Numërohen 1708 vota të diasporës: Ka rezultate që nuk priteshin

Në Qendrën për Numërim dhe Rezultate po numërohen votat e diasporës. Deri në këto momente janë numëruar mbi 15 përqind e këtyre votave, apo 1708 vota.


Nga rezultatet e deritashme, Lëvizja Vetëvendosje prinë me 653 vota, gjë që ishte thënë nga të gjithë njohësit se pritej, shkruan Reporteri.net.

Pas saj vije PDK-ja me 351 vota, gjë që konsiderohen befasi, pasi dihet se në rezultatin e plotë kjo parti del pas LDK-së me mjaft shumë vota më pak.

LDK-ja, ndërkaq, radhitet parti e tretë nga diaspora me 330 vota.

Befasi mund të konsiderohen edhe AAK-PSD dhe NISMA-AKR pasi, ndonëse u tha se nuk do të mund të arrijnë të marrin vota nga mërgata, ata nga 1708 vota kanë marrë 204, respektivisht 147.

Ndryshe, janë rreth 13 mijë e 500 fletëvotimeve të cilat kanë ardhur përmes postës, të cilat pritet të numërohen brenda ditës së sotme./Reporteri.net