Komisioni Qendror i Zgjedhjeve është drejt përfundimit të procesimit të të dhënave për zgjedhjet e 6 tetorit.

Në web faqen e KQZ-së deri tani figuron se janë numëruar 99.10 për qind të votave.

Koalicioni Nisma-AKR-PD është duke iu afruar pragut zgjedhor prej 5%, ani pse me ritëm jo të mirë, shkruan Reporteri.net.

Ky koalicion ka arritur në 38959 vota, apo 4.93 për qind të votave të numëruara.

Ndërkohë, përqindjet tek partitë e mëdha nuk po ndryshojnë, dhe dallimi mbetet tek 6 mijë vota.

Ndryshe, vlen të theksohet se disa parti kanë kërkuar rinumërim të votave, pasi besojnë se ka pasur parregullsi./Reporteri.net