Ndihmës-sekretari amerikan i Shtetit James O’Brien, nëpërmjet rrjetit social “X” ka treguar për bisedën telefonike që ka pasur me presidenten e Kosovës, Vjosa Osmani.

O’Brien ka shkruar se i ka bërë thirrje Kosovës që të përmbush të gjitha zotimet e dialogut të ndërmjetësuar nga Bashkimi Evropian – përfshirë Asociacionin e Komunave me shumicë serbe.

“Telefonatë e mirë me presidenten Vjosa Osmani. Diskutuam për rëndësinë që Kosova të zbatojë rregulloret monetare në mënyrë që të përfitojnë të gjithë qytetarët e Kosovës, përfshirë komunitetin e pakicës serbe, dhe që palët të përmbushin të gjitha zotimet e Dialogut të BE-së – për Kosovën kjo përfshin Asociacionin e Komunave me shumicë serbe”, ka shkruar ai në rrjetin social “X”.

Good call with @VjosaOsmaniPRKS today. We discussed importance of 🇽🇰 implementing monetary regs so as to benefit all Kosovan citizens, including the Serb minority community, & for parties to fulfill all EU Dialogue commitments – for 🇽🇰 this includes the ASM.

— Assistant Secretary Jim O’Brien (@StateEUR) April 1, 2024