Presidentja e Republikës së Kosovës, Vjosa Osmani është takuar sot me Presidentin e Republikës së Kroacisë, Zoran Milanović, në kuadër të Procesit të Bërdo Brione që këtë vit po mbahet në Tivat të Malit të Zi.

Për takimin, Presidentja Osmani ka publikuar disa fotografi dhe ka thënë se është mirënjohëse për mbështetjen e tij të fortë ndaj Kosovës.

“Takim gjithnjë përmbajtësor me Presidentin kroat Zoran Milanović. Mirënjohëse për mbështetjen e tij për një Kosovë të fortë, të sigurtë dhe të përkushtuar drejt së ardhmes euroatlantike”, ka shkruar Osmani në Facebook.

Në takimin me krerët rajonal, Osmani pritet pritet të flasë për përkushtimin e Kosovës për integrim të plotë në institucionet euroatlantike, për paqe dhe siguri të qëndrueshme, si dhe për bashkëpunim rajonal, gjithashtudo të realizojë takime edhe me krerët e disa shteteve pjesëmarrëse.

/Reporteri.net/