Presidentja e Republikës së Kosovës, Vjosa Osmani, është takuar me presidentin e Shqipërisë Bajram Begaj dhe përfaqësuesit e shqiptarëve në Mal të Zi.

Osmani po merr pjesë në ngjarjen e Procesit të Bërdo Brione që këtë vit po mbahet në Tivat të Malit të Zi, nga ku ka postuar një fotografi në Facebook, shkruan gazeta online Reporteri.net.

“Me Presidentin Begaj dhe përfaqësues shqiptarë në Mal të Zi”, ka shkruar Osmani.

Osmani është takuar edhe me presidentin e Kroacisë, Zoran Milanovic, të cilin e ka falënderuar për mbështetjen kroate për Kosovën.