Pacolli: Qeveria duhet të hapë qendra vaksinimi në secilën lagje

Kryetari i AKR-së, Behgjet Pacolli u ka shprehur ngushëllime familjarëve që humbën njerëzit e tyre nga Covid-19.


Përmes një shkrimi në Facebook, Pacolli ka thënë se Qeveria e Kosovës duhet të hapë qendra vaksinimi në secilën lagje, pasi situata me Covid-19 duhet të trajtohet seriozisht nga të gjithë, transmeton Gazeta Online “Reporteri.net“.

Reklamë

Shkrimi i plotë:

Ngushëllimet më të sinqerta familjarëve që kanë humbur njerëzit e dashur nga Covidi, ky armik i padukshëm.

Vala e madhe e Covidit që ka përfshirë Kosovën dhe po merr jetërat e më të dashurve tanë, duhet të trajtohet seriozisht nga të gjithë. Qeveria e Kosovës duhet të hap qendra vaksinimi në secilen lagje dhe me ekipe mobile duke i angazhuar edhe atë pjesë te profesionistëve shëndetësorë që sot sillën rrugëve të pa punë.

Vaksinimi sot është më se i rëndësishëm dhe shpëton jetë.

Theksojmë se vetëm në mbrëmjen e së martes Covid-19 u ka marrë jetën 4 viktimave të moshave të reja./Reporteri.net/