×
  • Lajme
  • Lajme

    Përkundër kundërshtimeve, laura do të vendoset në Rugovë

    Reporteri
    27 Tetor 2019 | 20:16

    Ka muaj që ky vend në Rugovë ka mbetur në këtë gjendje.


    Këtu do të duhej të ishin vendosur laurat, për të cilat Ministria e Mjedisit dhe Planifikimit Hapësinor nisi punën në fillim të vitit. Por, punimet u ndërprenë pas kundërshtimeve të banorëve, raporton KTV.

    Matoshi insiston se laurat do të vendosen në gjithsej 7 lokacione, të gjitha parqe nacionale, sikurse në Prevallë e bjeshkët e Deçanit e Junikut.

    Këtë thotë se po e bëjnë për t’i mbrojtur resurset natyrore, për ta ndaluar prerjen e pyjeve, ndërtimet dhe degradimet tjera të mundshme.

    Derisa banorët e kësaj ane vazhdojnë të jenë kundër çdo iniciative për vendosjen e laurës, qytetarët të cilët po kalonin vikendin në Rugovë, thonë se janë kundër taksës që do të mund të vendosej për ta kaluar laurën.

    MMPH kishte paraparë pagesë prej 1 eurosh për të rriturit, e 50 centë për fëmijët.

    Ndërsa kryetari i Komunës së Pejës thotë se është pro vendosjes së laurës, në çoftë se do të shërbejë për ruajtjen e natyrës

    Banorët e Komunës së Pejës, disa herë kanë protestuar duke kundërshtuar vendosjen e laurës dhe taksës nga Ministria e Mjedisit dhe Planifikimit Hapësinor.

    Aktualisht, një laurë e tillë është funksionale në Brezovicë.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!