Një mosmarrëveshje e mëhershme ndërmjet disa personave, ka eskaluar në rrahje dhe lëndime trupore, të shtunën në Prishtinë.

Rasti ka ndodhur në orët e vona të së shtunës në rrugën “Ilir Konushevci” në Prishtinë, ka njoftuar policia në rportin 24 orësh.

“Si pasojë e mosmarrëveshjes të mëhershme, ka ardhur deri te rrahja në mes dy grupeve, ku dy meshkuj kosovar kanë pësuar lëndime trupore, njeri nga shkrepja e armës se zjarrit, ndërsa tjetri është goditur me kondak të armës”, thekson policia.

Po ashtu, bëhet e ditur se dy viktimat kanë pësuar lëndime trupore dhe të njëjtit, pas pranimit të tretmanit mjekësor janë liruar./Reporteri/