Një person po trajtohet në Qendrën Klinike Universitare të Kosovës, pasi i njëjti është plagosur me armë zjarri në fshatin Greme të Ferizajt, raporton Gazeta Online Reporteri.net.

Rastin e ka konfirmuar Policia e Kosovës përmes raportit 24 orësh, ku bëhet e ditur se të dyshuarit nuk janë identifikuar ende.

Në vendin e ngjarjes, njësitë policore kanë gjetur dhe sekuestruar një gëzhojë që dyshohet të jetë e armës që u përdor në rast.

“Viktima mashkull kosovar është dërguar në QKUK për tretman mjekësor, pasi që ishte plagosur me armë zjarri nga persona të pa njohur për momentin. Në vendin e ngjarjes është gjetur dhe sekuestruar një gëzhojë. Rasti është duke u hetuar”, thuhet në njoftim.