Policia e Prizrenit jep detaje për rastin ku polici plagosi dy qytetarë

Një zyrtar policor dyshohet se ka plagosur dy qytetarë në fshatin Glloboçicë të Dragashit.


Gazeta Online “Reporteri.net” ka shkruar se zyrtari policor shërben në Stacionin e Prizrenit dhe se ngjarja ka ndodhur pas një mosmarrëveshjeje rreth një veture.

Raportimin e Reporteri.net e ka konfirmuar edhe Policia e Kosovës në Prizren.

Zëdhënësi i Policisë për Rajonin e Prizrenit, Shaban Osmanollaj ka thënë se qytetarët e plagosur janë jashtë rrezikut.

“Rreth orës 16 e 40 në fshatin Glliobocië një zyrtar policor jashtë detyrës ka pasur një mosmarrëveshje me dy qytetar ku si pasojë e ka përdorur armën e zjarrit. Viktimat kanë pësuar lëndime por janë jashtë rrezikut”, ka thënë Osmanollaj.