Prokuroria Themelore në Prishtinë, ka bërë të ditur se në koordinim me Policinë e Kosovës, janë duke zhvilluar një aksion në disa lokacione ne kryeqytet.

Sipas Prokurorisë, bastisje janë duke u bërë në lokackione të ndryshme, mbi dyshimin për kryerjen e veprës penale të mashtrimit, shkruan gazeta online Reporteri.net.

Detaje të tjera nuk janë bërë të ditura ende.

“Prokuroria Themelore në Prishtinë, njofton opinionin publik se nën udhëheqjen e Prokurorit të Shtetit në koordinim me Policinë e Kosovës, si dhe pas aprovimit të gjyqtarit të procedurës paraprake, është duke realizuar një aksion, me ç’ rast janë duke u bërë bastisje në disa lokacione, mbi dyshimin për kryerjen e veprës penale të mashtrimit.
Për zhvillimet rreth këtij aksioni do të njoftoheni me kohë”, thuhet në njoftim. /Reporteri.net/