Policia e Kosovës nuk e ka përfshirë fare në raportin 24 orësh vdekjen në rrethana të dyshimta të 27-vjeçarit në Lipjan, pas arrestimit, shkruan Reporteri.net.
Lidhur me vdekjen e tij, mbrëmë janë arrestuar dhe dërguar në mbajtje pesë policë nën dyshimin për “Vrasje nga pakujdesia”, mirëpo tek raporti i Policisë që u dergohet mediave nuk figuron fare i evidentuar si rast.
Për rastin në fjalë, ministri në detyrë i Punëve të Brendshme, Xhelal Sveçla ka kërkuar angazhim urgjent nga IPK dhe bashkëpunim të plotë të Policisë gjatë hetimeve.
Sveçla ka thënë se pret që sa më shpejt të zbardhet e vërteta dhe familjarët e opinioni publik të njoftohet me të gjitha të gjeturat për rastin.
“Jam thellësisht i prekur nga lajmi për vdekjen e qytetarit tonë para mëngjesit të djeshëm në Lipjan. Si Ministër i Punëve të Brendshme, sapo jam informuar për ngjarjen, kam kërkuar angazhim urgjent dhe profesional nga Inspektorati Policor i Kosovës si dhe bashkëpunim të plotë të Policisë së Kosovës gjatë këtij hetimi. Në kuadër të kësaj, hetimet tashmë janë duke u zhvilluar me intensitet maksimal.
Bashkëpunimi mes Policisë së Kosovës, Inspektoratit Policor, Institutit të Mjekësisë Ligjore dhe Prokurorisë është kyç për zbardhjen e plotë të rrethanave të kësaj ngjarjeje të rëndë”, ka shkruar ai në Facebook.
Në reagimin e tij pas më shumë se 36 orë, Sveçla thotë se askush s’është mbi ligjin, dhe fajtori do të përballet me drejtësinë duke marrë dënimin e merituar.
Ai gjithashtu shton se Policia vazhdon të jetë institucion i besuar, dhe diçka e tillë duhet të ruhet, ndaj nuk do të kursehet askush.
Lidhur me rastin ka nisur hetime edhe Avokati i Popullit.
Presidentja Vjosa Osmani e as kryeministri në detyrë ende s’kanë reaguar lidhur me rastin./Reporteri.net
Pas arrestimit dhe caktimit të masës së paraburgimit ndaj pesë zyrtarëve policorë të përfshirë në rastin që përfundoi me vdekjen e 27-vjeçarit Agon Zejnullahu në Lipjan, njëri nga avokatët mbrojtës, Urim Vokshi, ka dhënë një version tjetër të ngjarjes.
Në një deklaratë për rtv Dukagjini, Vokshi mohoi se vdekja e Zejnullahut ka ardhur si rezultat i veprimeve të zyrtarëve policorë dhe theksoi se viktima kishte sjellje agresive si ndaj qytetarëve ashtu edhe ndaj policisë, pa ndonjë arsye të qartë.
“Përveç që ka sulmuar shumë qytetarë, ka sulmuar edhe policinë, pa qenë i preokupuar, pa pasur asnjë arsye. Edhe derisa policia ishte duke vozitur veturën, ai reagonte me sprej. Kur ndalet vetura, ai përsëri tenton ta sulmojë policinë,” tha Vokshi.
Ai shtoi se pas incidentit fillestar, Zejnullahu ishte futur vetë në veturën e policisë dhe kishte qëndruar aty për më shumë se tetë minuta, pa ndonjë dhunë apo presion nga zyrtarët policorë.
“Sipas deklaratave të policëve, ata vetëm kanë biseduar me të dhe i kanë thënë se autoambulanca ishte në rrugë. Duket se i ndjeri ka qenë nën ndikimin e substancave të caktuara. Më pas, ai del vetë nga vetura dhe tenton të ikë. Zyrtarët e ndalojnë për ta prangosur dhe qëndrojnë mbi të vetëm për kohën sa po e prangonin. Nuk ka pasur presion të zgjatur,” ka deklaruar Vokshi.
Ai përfundoi se sipas tij, Agon Zejnullahu nuk ka ndërruar jetë si pasojë e veprimeve të policisë.
Rasti ka shkaktuar reagime të shumta në opinion, me thirrje për transparencë të plotë, ndërsa institucionet janë duke zhvilluar hetimet për të sqaruar rrethanat e vdekjes së të riut.
Në Gjykatën Themelore në Prishtinë- Dega në Lipjan, të mërkurën pritet të mbahet seanca dëgjimore për caktimin e masës së sigurisë ndaj pesë zyrtarëve policorë të cilët gjenden nën masën e ndalimit si të dyshuar për “Vrasje nga pakujdesia” të të riut Agon Zejnullahu në Lipjan.
Kështu konfirmoi për “Betimi për Drejtësi“, Mirlinda Gashi, zëdhënëse e Gjykatës Themelore në Prishtinë.
“Ju njoftojmë se Gjykata Themelore në Prishtinë – Dega në Lipjan sot ka pranuar kërkesën për caktim të masës së paraburgimit në çështjen penale ndaj pesë të pandehurve. Seanca dëgjimore është caktuar të mbahet nesër me datë 09.07.2025 në ora 10:30”, thuhet në përgjigje.
Ndryshe, Prokuroria Themelore në Prishtinë ka paraqitur kërkesë në Gjykatën Themelore në Prishtinë- Dega në Lipjan, për caktimin e masës së paraburgimit ndaj pesë zyrtarëve policorë.
I riu në Lipjan vdiq në orët e para të së hënës (7 korrik) pasi u arrestua nga policia nën dyshimin se në gjendje të dehur po sulmonte automjete e kalimtarë. Lidhur me rastin, pesë zyrtarë policorë janë ndaluar për 48 orë nën dyshimin për “Vrasje nga pakujdesia”, ndërkaq Inspektorati Policor i Kosovës ka rekomanduar suspendimin e tyre.
Avokati i Popullit ka njoftuar se ka nisur hetimet për të vlerësuar nëse ka pasur shkelje të të drejtave të njeriut në këtë rast.
Për rastin reagoi edhe ministri në detyrë i Punëve të Brendshme, Xhelal Sveçla, cili ka thënë se kushdo që rezulton fajtor për vdekjen e të riut në Lipjan i cili ndërroi jetë pas arrestimit, duke të marrë dënimin e merituar.
Kurse, ministrja në detyrë e Drejtësisë, Albulena Haxhiu ka thënë se dje (e hënë) është kryer autopsia e të ndjerit Agon Zejnullahu, por që raporti preliminar i këtij rasti ende nuk është dërguar nga Instituti i Mjekësisë Ligjore.
Rasti i vdekjes së një të riu 27-vjeçar në Lipjan, i cili ndërroi jetë gjatë ndërhyrjes së Policisë së Kosovës, po vazhdon të ngjallë reagime të forta në opinion dhe në radhët e politikës.
Derisa hetimet janë duke u zhvilluar për të sqaruar rrethanat e ngjarjes, përflitet se shkak i mundshëm i vdekjes mund të ketë qenë ngufatja, megjithëse kjo nuk është konfirmuar zyrtarisht.
Lidhur me rastin ka reaguar edhe deputeti i Aleancës për Ardhmërinë e Kosovës (AAK), Daut Haradinaj, i cili ka ndarë një reagim të shkurtër dhe të ashpër pas shikimit të pamjeve nga momenti i ndërhyrjes policore.
“I pashë pamjet e fundit! E paskeni vrarë me gjakftohtësi djalin 27-vjeçar. S’kam koment,” ka shkruar Haradinaj.
Pesë zyrtarë policorë të përfshirë në këtë rast janë ndaluar për 48 orë, ndërsa Inspektorati Policor i Kosovës, bashkë me Prokurorinë, po zhvillojnë hetimet për të zbardhur në detaje shkaqet e vdekjes së të riut.
Ngjarja ka nxitur reagime të shumta në publik dhe thirrje për transparencë, përgjegjësi institucionale dhe hetim të pavarur.
Deputetja e Lidhjes Demokratike të Kosovës (LDK), Hykmete Bajrmai, ka shprehur ngushëllime për vdekjen e 27-vjeçarit Agon Zejnullahu.
Ajo ka thënë se është thelbësore që hetimi të zhvillohet pa vonesë.
Zejnuallahu vdiq pasi paraprakisht ishte në duart e Policisë së Kosovës.
“Shpreh ngushëllimet më të sinqerta për familjen Zejnullahu dhe për gjithë qytetarët e Kosovës për vdekjen e Agonit! Prokuroria dhe Inspektorati Policor duhet ta hetojnë plotësisht këtë rast – të gjitha rrethanat dhe pistat e mundshme, dhe të ndriçojnë deri në detaje rastin e vdekjes së 27-vjeçarit. Është thelbësore që hetimi të zhvillohet pa asnjë vonesë”.
“Policia e Kosovës dhe Inspektorati Policor, duhet të garantojnë zbatimin e standardeve profesionale dhe respektimin e ligjit në çdo rast të ndalimit apo trajtimit të qytetarëve. Përveç përgjegjësisë individuale, duhet të ketë edhe përgjegjësi politike, deri te deputeti Kurti, i cili vazhdon të mbajë pozitën e kryeministrit në kundërshtim me ligjin. Ne kemi përkrahur dhe do të përkrahim kërkesat e ligjshme të Policisë së Kosovës për kushte më të mira pune dhe mbështetje institucionale, por njëkohësisht do të kërkojmë llogari dhe zbatim të ligjit”, ka thënë Bajrami.
Me lot në sy, dhimbje në zemër dhe fotografinë e tij në duar, familjarë, miq dhe qytetarë të shumtë janë mbledhur mbrëmjen e së martës para Teatrit Kombëtar të Kosovës për të nderuar kujtimin e Agon Zejnullahut, 27-vjeçarit nga Lipjani që vdiq në duart e Policisë së Kosovës.
Në heshtje, me qirinj të ndezur të pranishmit i dhanë zë dhe fytyrë dhimbjes së një familjeje dhe një shoqërie që kërkon përgjegjësi për dhunën policore, shkruan Reporteri.net.
Agon Zejnullahu vdiq në duart e policëve të Kosovës të hënën në Lipjan.
Tashmë ndaj 5 policëve të dyshuar për vrasjen nga pakujdesia është kërkuar caktimi i masës së paraburgimit, pas arrestimit të tyre dje.
Agon Zejnullahu, 27 vjeçar nga Lipjani, vdiq në duart e Policisë së Kosovës. Tashmë janë publikuar edhe pamje të reja të minutave të fundit të jetës së tij në duart e pesë zyrtarëve policor të Kosovës.
Nga pamjet duket i riu është ngufatur nga Policët, shkruan gazeta online Reporteri.net.
Në videon e publikuar nga T7 shihet se policët kanë përdorur dhunë jo proporcionale duke ia vendosur edhe gjunjët në qafë viktimës.
Policia e Kosovës ka reaguar edhe njëherë për “vrasjen nga pakujdesia” të 27-vjeçarit nga Lipjani, Agon Zejnullahu.
Në komunikatën e Policisë së Kosovës thuhet se zyrtarët policorë në vetëmbrojtje janë detyruar të përdorin sprej-in policor, sepse sipas tyre, tashmë viktima ishte jobashkëpunes duke tentuar ikjen.
Gjithsesi, policia konfirmon se njësia emergjente kishte konstatuar vdekjen e tij, pasi autoambulanca ishte thirrur në vendngjarje.
“Para arrestimit të personit, zyrtarët policorë kanë komunikuar dhe negociuar me të njëjtin për 5-6 minuta, me qëllim të bindjes së tij për shoqërim në stacion policor. Po ashtu gjatë kësaj kohe mbikëqyrësi i ndërrimit ka telefonuar ndihmën e shpejtë për ti ofruar ndihmë mjekësore personit, pasi gjatë gjithë kohës ka vërejtur gjendjen e tij shëndetësore dhe psikologjike. Në këtë rrjedhë, i njëjti ka qenë jo bashkëpunues dhe ka tentuar të ikë, por zyrtarët policorë kanë arritur ta arrestojnë.”, thuhet në reagimin e Policisë.
Në komunikatë, policia thotë: “Sigurojmë të gjithë qytetarët se Policia e Kosovës është në bashkëpunim të ngushtë dhe të plotë me institucionet relevante me qëllim të zbardhjes së plotë të këtij rasti, epilogu i së cilit do të merret pas përfundimit të hetimeve, ekzaminimeve dhe pranimit të raportit të obduksionit nga Mjekësia Ligjore”.
Komunikata e plotë:
Me datën 07.07.2025, rreth orës 00:12, Policia e Kosovës ka pranuar informacionin përmes gjashtë thirrjeve telefonike nga qytetarët se një person me sjellje agresive, përmes veprimeve të tij po paraqiste rrezikim të përgjithshëm të kalimtarëve duke i sulmuar ata por dhe të vetes së tij, duke ndjekur automjetet dhe duke tentuar të hynte në to.
Ngjarja është raportuar se ka ndodhur në rrugën “Haradin Bajrami” në Lipjan. Njësitë policore pas pranimit të informacioneve kanë reaguar menjëherë për të ndaluar sulmet dhe rrezikimin e qytetarëve dhe parandaluar përshkallëzim të mëtejmë të situatës.
Sjelljet e njëjta sipas raportimit të qytetarëve janë shfaqur edhe në prani të zyrtarëve policorë, të cilët me qëllim të vënies së situatës nën kontrollë dhe shoqërimit të tij në stacion policor, për shkak të sjelljeve të pakontrollueshme e të rrezikshme, rezistencës aktive dhe vërsuljes për sulm ndaj zyrtarëve policorë, zyrtarët policorë në vetëmbrojtje janë detyruar të përdorin sprej-in policor.
Para arrestimit të personit, zyrtarët policorë kanë komunikuar dhe negociuar me të njëjtin për 5-6 minuta, me qëllim të bindjes së tij për shoqërim në stacion policor. Po ashtu gjatë kësaj kohe mbikëqyrësi i ndërrimit ka telefonuar ndihmën e shpejtë për ti ofruar ndihmë mjekësore personit, pasi gjatë gjithë kohës ka vërejtur gjendjen e tij shëndetësore dhe psikologjike. Në këtë rrjedhë, i njëjti ka qenë jo bashkëpunues dhe ka tentuar të ikë, por zyrtarët policorë kanë arritur ta arrestojnë.
Autoambulanca me ekipin mjekësor emergjent, kanë arritur në vendin e ngjarjes brenda një kohe shumë të shpejtë (3 min), për ti dhënë ndihmën e parë personit në fjalë, ku më pas njësia emergjente ka konstatuar vdekjen e tij.
Në vendngjarje te personi janë gjetur në posedim gjësende personale dhe substancë pluhur që dyshohet të jetë narkotike, e cila është dërguar për ekzaminim.
Sipas procedurave të parapara ligjore, në vendin e ngjarjes kanë dalë njësitë relevante hetimore, Prokurori për krime të rënda si dhe Inspektorati Policor i Kosovës.
Policia e Kosovës, në bashkëpunim dhe koordinim me institucionet kompetente, ka ndërmarrë të gjitha veprimet hetimore për ndriçimin e rastit, përfshirë sigurimin e provave materiale dhe intervistimin e dëshmitarëve. Të gjitha provat e siguruara përfshirë edhe pamjet e kamerave që ndihmojnë në zbardhjen e rastit janë ndarë me institucionet relevante, respektivisht me Inspektoratin Policor dhe Prokurorinë.
Me vendim të Prokurorit të Shtetit është iniciuar hetim penal lidhur me rastin, ndërsa trupi i pajetë është dërguar në Institutin e Mjekësisë Ligjore për obduksion.
Me rekomandim të IPK-së janë suspenduar katër zyrtarë policorë dhe një rreshter, të cilët pas intervistimit me vendim të prokurorit, dhe ri cilësimit të veprës, janë dërguar në mbajtje.
Sigurojmë të gjithë qytetarët se Policia e Kosovës është në bashkëpunim të ngushtë dhe të plotë me institucionet relevante me qëllim të zbardhjes së plotë të këtij rasti, epilogu i së cilit do të merret pas përfundimit të hetimeve, ekzaminimeve dhe pranimit të raportit të obduksionit nga Mjekësia Ligjore.
Policia e Kosovës është në shërbim të qytetarëve me të gjitha kapacitetet, detyrat dhe obligimet ligjore që ka.
Presidentja e Kosovës, Vjosa Osmani, ka reaguar lidhur me rastin e vdekjes së A.Z. (27 vjeç) nga Lipjani, i cili vdiq në rrethana të dyshimta gjatë ndërhyrjes së Policisë së Kosovës.
Në reagimin e saj, presidentja Osmani thekson se ky rast kërkon transparencë të plotë, përgjegjësi institucionale dhe drejtësi të pakompromis, shkruan gazeta online Reporteri.net.
“Ngjarja e rëndë dhe tronditëse e vdekjes së një të riu 27-vjeçar, rreth së cilës ekzistojnë dyshime serioze se ka ndodhur gjatë ndërhyrjes së policisë, kërkon urgjentisht transparencë të plotë, përgjegjësi institucionale dhe drejtësi të pakompromis”, thuhet në reagimin e Osmanit.
Ajo kërkon që rrethanat e rastit të hetohen në mënyrë të pavarur dhe profesionale.
“Secili zyrtar që mund të ketë shkelur ligjin apo tejkaluar kompetencat duhet të vihet përpara drejtësisë pa asnjë vonesë. Askush nuk është mbi ligjin”, përfundon reagimi i presidentes.
Ndryshe, prokuroria Themelore e Prishtinës ka kërkuar caktimin e masës së paraburgimit ndaj pesë policëve që u arrestuan mbrëmë nën dyshimin për “vrasje nga pakujdesia”, lidhur me rastin e vdekjes së 27-vjeçarit në Lipjan.
Lajmin për Reporteri.net e ka konfirmuar zëdhënësja e Prokurorisë, Kaltrina Shala.
“Lidhur me pyetjen tuaj ju njoftojmë, se Prokurori i shtetit e ka bërë kërkesën për caktimin e masës së paraburgimit ndaj të pandehurve”, ka deklaruar Shala.
Policia nuk e ka përfshirë fare në raportin 24 orësh këtë rast.
Lidhur me vdekjen e të riut, mbrëmë janë arrestuar dhe dërguar në mbajtje pesë policë nën dyshimin për “Vrasje nga pakujdesia”, mirëpo tek raporti i Policisë që u dergohet mediave nuk figuron fare i evidentuar si rast.
Ministri në detyrë i Punëve të Brendshme, Xhelal Sveçla ka kërkuar angazhim urgjent nga IPK dhe bashkëpunim të plotë të Policisë gjatë hetimeve.
Hetime për rastin ka nisur edhe Avokati i Popullit.
Institutit i Mjekësisë Ligjore, ka njoftuar nuk ka dalë ende më raport preliminar për autopsinë e 27 vjeçarit nga Lipjani, i cili vdiq në rrethana të dyshimta.
Nga IML thanë se raporti që ka dalë në media nuk është i vërtetë, duke shtuar se me urdheresë nga Prokuroria e Shtetit, dje në Institutin e Mjekësisë Ligjore (IML) është kryer autopsia për të.
Tutje, bëhet e ditur se, autopsia është kryer nga ekipi i udhëhequr nga eksperti mjeko ligjor kujdestar dhe me pjesëmarrjen edhe të zyrtarëve policor të caktuar nga Policia e Kosovës.
“Autopsia është kryer nga ekipi i udhëhequr nga eksperti mjeko ligjor kujdestar dhe me pjesëmarrjen edhe të zyrtarëve policor të caktuar nga Policia e Kosovës. Ne jemi në kontakt të vazhdueshëm me Prokurorin e Shtetit që e ka rastin dhe jemi duke bërë përpjekje maksimale për të kryer sa më shpejt edhe analizimin histopatologjik dhe toksikologjik të mostrave indore të cilat janë marrë gjatë autopsisë në mënyrë që të hartohet sa më shpejt raporti i autopsisë”, shkruan nga IML.
Prokuroria Themelore e Prishtinës ka kërkuar caktimin e masës së paraburgimit ndaj pesë policëve që u arrestuan mbrëmë nën dyshimin për “vrasje nga pakujdesia”, lidhur me rastin e vdekjes së 27-vjeçarit në Lipjan. Që nga mbrëmë, ata ndodhen në ndalim.
Lajmin për Reporteri.net e ka konfirmuar zëdhënësja e Prokurorisë, Kaltrina Shala.
“Lidhur me pyetjen tuaj ju njoftojmë, se Prokurori i shtetit e ka bërë kërkesën për caktimin e masës së paraburgimit ndaj të pandehurve”, ka deklaruar Shala.
Policia nuk e ka përfshirë fare në raportin 24 orësh këtë rast.
Lidhur me vdekjen e të riut, mbrëmë janë arrestuar dhe dërguar në mbajtje pesë policë nën dyshimin për “Vrasje nga pakujdesia”, mirëpo tek raporti i Policisë që u dergohet mediave nuk figuron fare i evidentuar si rast.
Ministri në detyrë i Punëve të Brendshme, Xhelal Sveçla ka kërkuar angazhim urgjent nga IPK dhe bashkëpunim të plotë të Policisë gjatë hetimeve.
Hetime për rastin ka nisur edhe Avokati i Popullit.
Presidentja Vjosa Osmani e as kryeministri në detyrë ende s’kanë reaguar lidhur me rastin./Reporteri.net
Shefi i EULEX’it, Giovanni Pietro Barbano, ka reaguar lidhur me rastin e 27-vjeçarit në Lipjan, i cili vdiq në rrethana të dyshimta pas arrestimit nga Policia, rast për të cilin tashmë janë arrestuar pesë policë.
Barbano ka kërkuar sqarim të plotë të rrethanave të rastit, shkruan Reporteri.net.
“Marr parasysh fillimin e menjëhershëm të hetimeve nga Inspektorati Policor i Kosovës pas vdekjes së një personi në Lipjan, presim që autoritetet kompetente të sqarojnë plotësisht dhe në mënyrë transparente rrethanat e rastit, duke respektuar plotësisht sundimin e ligjit dhe standardet e të drejtave të njeriut”, ka shkruar Barbano në platformën sociale “x”.
I take note of the swift initiation of an investigation by PIK following the death of an individual in Lipjan/Lipljan. We expect that competent authorities thoroughly and transparently clarify the circumstances of the case, in full respect of RoL & human rights standards.
— Giovanni Pietro Barbano (@EulexHoM) July 8, 2025
Policia nuk e ka përfshirë fare në raportin 24 orësh këtë rast.
Lidhur me vdekjen e të riut, mbrëmë janë arrestuar dhe dërguar në mbajtje pesë policë nën dyshimin për “Vrasje nga pakujdesia”, mirëpo tek raporti i Policisë që u dergohet mediave nuk figuron fare i evidentuar si rast.
Ministri në detyrë i Punëve të Brendshme, Xhelal Sveçla ka kërkuar angazhim urgjent nga IPK dhe bashkëpunim të plotë të Policisë gjatë hetimeve.
Lidhur me rastin ka nisur hetime edhe Avokati i Popullit.
Presidentja Vjosa Osmani e as kryeministri në detyrë ende s’kanë reaguar lidhur me rastin./Reporteri.net
Mediat po vazhdojnë të publikojnë pamje nga momentet e fundit të 27-vjeçarit që vdiq në rrethana të dyshimta në Lipjan, pas arrestimit nga Policia.
Në pamjet e publikuara sot nga “Paparaci” shihet se i riu u bartë me autoambulancë drejt spitalit me pranga në duart e lidhura pas shpine, shkruan Reporteri.net.
27-vjeçari dyshohet se vdiq i prangosur disa momente pas arrestimit në rrugën “Haradin Bajrami” në Lipjan, në orën e parë të së hënës.
Lidhur me rastin janë arrestuar pesë policë, nën dyshimin për “Vrasje nga pakujdesia”.
Inspektorati ka rekomanduar suspendimin e të pesë zyrtarëve, një prej të cilëve është rreshter./Reporteri.net
Sonte nga ora 20:30, para Teatrit Kombëtar organizohet aksion për ndezjen e qirinjve në nderim të A.Zejnullahut.
Ai vdiq në rrethana ende të paqarta në Lipjan.
Pesë zyrtarë policorë, në mesin e të cilëve edhe një rreshter po hetohen për rastin e vdekjes së 27-vjeçarit.
Ata u suspenduan dhe u ndaluan për 48 orë me urdhër të Prokurorit të Shtetit.
Për vdekjen e 27-vjeçarit ka reaguar edhe Ehat Miftaraj nga Instituti i Kosovës për Drejtësi i cili ka thënë se mënyra se si pesë policët e menaxhuan situatën më së paku mund të quhet pakujdesi, shkruan Reporteri.net.
Sipas tij, 27 vjeçari vdiq në dorë të shtetit.
Ai madje ka shtruar edhe disa pyetje nëse policët kishin trajnimin profesional të duhur për situata të tilla.
Reagimi:
Mënyra se si pesë police e menaxhuan këtë situatë më së paku mund të quhet pakujdesi dhe amatorizëm i skajshëm.
27 vjeçari vdiq në dorë të shtetit.
Shteti permes Ministrit të Punëve të brendshme, Drejtorit të Policisë po edhe vet Kryeministrit do duhej të sqaronin per publikun kete situate sonte.
Pesë policet a e kishin trajnimin profesional te duhur per te menaxhuar situata te tilla?
Pse ne vitet e fundit po ndodhin skandale dhe dhunim te drejtave te qytetareve nga police te caktuar?
A eshte kjo si rezultat I politikave te reja te LVV qe policet e rinj nga shkollat e mesme te behen police me nje trajnim prej vetem 12 javesh?
A ka ndonje politike apo strategji te adresohet ky fenomen?
Ne keto vite sa police te rinj i kemi ne rruget e Kosoves me trajnim 12 javor?
Kosova gjithmone eshte krenuar me policine sepse ka qene nje force nder me te pregaditurat dhe me profesionalet jo vetem ne rajon por edhe ne krahasim me shtete te BE.
Avokati i Popullit ka reaguar lidhur me rastin e 27-vjeçarit në Lipjan, i cili vdiq në rrethana të dyshimta pas arrestimit nga Policia e Kosovës. Për këtë rast, janë arrestuar pesë policë.
Përmes një njoftimi drejtuar mediave, Avokati i Popullit ka bërë me dije se ka hapur procedurë hetimore për të vlerësuar nëse ka pasur shkelje të të drejtave të njeriut, si dhe për të monitoruar veprimet e institucioneve përgjegjëse, përfshirë Policinë e Kosovës dhe Inspektoratin Policor të Kosovës, shkruan Reporteri.net.
Në reagim thuhet se ushtrimi i forcës përtej asaj të domosdoshme përbën shkelje të rëndë të të drejtave themelore të njeriut, të garantuara me Kushtetutën e Republikës së Kosovës dhe me instrumentet ndërkombëtare për të drejtat e njeriut, përfshirë Konventën Evropiane për të Drejtat e Njeriut.
“Institucioni i Avokatit të Popullit kërkon transparencë të plotë nga institucionet kompetente lidhur me hetimin e rasteve. Po ashtu është e rëndësishme të theksohet rëndësia e zbatimit të standardeve profesionale në çdo ndërhyrje policore dhe domosdoshmërinë e trajnimeve të vazhdueshme për zyrtarët e rendit. Avokati i Popullit do të vazhdojë të ndjekë nga afër zhvillimet rreth këtyre rasteve dhe do të ndërmarrë të gjitha veprimet e nevojshme ligjore në mbrojtje të të drejtave të qytetarëve”, thuhet në reagim.
Rasti tjetër për të cilin është nisur hetim është ai për pamjet që u publikuan ku shiheshin zyrtarë policorë duke e rrahur një qytetar ndonëse i njëjti ishte i prangosur./Reporteri.net
Ministrja në detyrë e Drejtësisë, Albulena Haxhiu ka reaguar për vdekjen e 27-vjeçarit në Lipjan, ppr të cilin ka thënë se autopsia e tij është kryer të hënën, shkruan Gazeta Online Reporteri.net.
Ajo ka theksuar se IML-ja po bën përpjekje maksimale që sa më shpejt të përfundoj raporti i autopsisë dhe se një preliminar s’është dorëzuar ende.
“Me urdhëresë nga Prokuroria Themelore në Prishtinë dje është kryer autopsia e të ndjerit Agon Zejnullahu. IML është duke bërë përpjekje maksimale për të kryer sa më shpejt edhe analizimin histopatologjik dhe toksikologjik të mostrave indore të marra gjatë autopsisë në mënyrë që të përfundojë sa më shpejt raporti i autopsisë. Instituti i Mjekësisë Ligjore ende nuk ka dorëzuar asnjë raport preliminar për këtë rast.
I riu A.Z në Lipjan ka vdekur në rrethana të dyshimta. Lidhur me rastin janë arrestuar dhe dërguar në mbajtje pesë zyrtarë policorë.
Ata po dyshohen për veprën penale “Vrasje nga pakujdesia”.
/Reporteri.net/
Ministri në detyrë i Punëve të Brendshme, Xhelal Sveçla, ka reaguar pas vdekjes së 27-vjeçarit në Lipjan, duke kërkuar angazhim urgjent nga IPK dhe bashkëpunim të plotë të Policisë gjatë hetimeve, shkruan Reporteri.net.
Sveçla pret që sa më shpejt të zbardhet e vërteta dhe familjarët e opinioni publik të njoftohet me të gjitha të gjeturat për rastin.
“Jam thellësisht i prekur nga lajmi për vdekjen e qytetarit tonë para mëngjesit të djeshëm në Lipjan. Si Ministër i Punëve të Brendshme, sapo jam informuar për ngjarjen, kam kërkuar angazhim urgjent dhe profesional nga Inspektorati Policor i Kosovës si dhe bashkëpunim të plotë të Policisë së Kosovës gjatë këtij hetimi. Në kuadër të kësaj, hetimet tashmë janë duke u zhvilluar me intensitet maksimal.
Bashkëpunimi mes Policisë së Kosovës, Inspektoratit Policor, Institutit të Mjekësisë Ligjore dhe Prokurorisë është kyç për zbardhjen e plotë të rrethanave të kësaj ngjarjeje të rëndë”, ka shkruar ai në Facebook.
Në reagimin e tij pas më shumë se 36 orë, Sveçla thotë se askush s’është mbi ligjin, dhe fajtori do të përballet me drejtësinë duke marrë dënimin e merituar.
Ai gjithashtu shton se Policia vazhdon të jetë institucion i besuar, dhe diçka e tillë duhet të ruhet, ndaj nuk do të kursehet askush.
“Familjarëve të të ndjerit u shpreh ngushëllimet e mia më të sinqerta. Pres që sa më shpejt, të zbardhet e vërteta dhe të gjitha rrethanat si dhe familjarët dhe opinioni publik të njoftohen me të gjitha të gjeturat dhe epilogun e këtij rasti. Askush nuk është mbi ligjin, dhe kushdo që rezulton fajtor do të përballet me drejtësinë dhe do të marrë dënimin e merituar.
Policia e Kosovës, falë profesionalizmit, transparencës dhe përkushtimit në shërbim të qytetarëve, vazhdon të jetë institucioni më i besuar dhe më kredibil në vend. Ky besim duhet ruajtur me çdo kusht dhe pa kursyer askënd pasi besimi qytetarë është jo vetëm vlerë por domosdoshmëri për punën e suksesshme të Policisë së Kosovës. Atë do ta ruajmë me vendosmëri përmes drejtësisë dhe përgjegjësisë për secilin rast”, ka shkruar Sveçla.
/Reporteri.net/
Deputetja e PDK-së, Ganimete Musliu, ka reaguar pas ngjarjes tragjike në Lipjan, ku një 27-vjeçar vdiq pas arrestimit nga policia, gjë për të cilën ajo ka kërkuar hetim të menjëhershëm, shkruan Reporteri.net.
Musliu thekson se pamjet e publikuara janë të rënda dhe ngrenë shqetësime serioze për përdorimin disproporcional të forcës nga zyrtarët policorë.
Ajo thekson se abuzimi me forcën apo tejkalimi i autoritetit ligjor nuk mund të justifikohen në asnjë rrethanë.
Musliu thekson se rritja e rasteve të tilla përbën një alarm për rrezikun që i kanoset demokracisë dhe sundimit të ligjit. Ajo kërkon që rasti të shërbejë si pikë kthese për reflektim dhe reforma urgjente brenda institucionit policor.
Reagimi:
Ngjarja tragjike që ndodhi në Lipjan, ku një person humbi jetën pas një ndërhyrje policore, ka tronditur opinionin publik dhe ka ngritur shqetësime serioze për reagimet e zyrtarëve policorë dhe dyshimet për perdorimin disproporcional të forces.
Pamjet e publikuara janë të rënda dhe kërkojnë përgjigje të menjëhershme nga institucionet përgjegjëse.
Ajo çfarë duhet të themi qartë është se ne nuk guxojmë të lejojmë rreshqitjen e shtetit tonë drejt formave të kontrollit represiv ose të kontrollit të tepruar policor.
Në asnjë rrethanë nuk mund të justifikojë abuzimin me forcën apo tejkalimin e autoritetit ligjor.
Prandaj kërkoj që ky rast të hetohet me urgjencë, në mënyrë të pavarur, transparente dhe profesionale. Qytetarët kanë të drejtë të dinë të vërtetën, dhe askush nuk qëndron mbi ligjin, asnjë individ dhe asnjë institucion.
Si një nga avokueset më të zëshme të Policisë së Kosovës, jam plotësisht e vetëdijshme për sfidat me të cilat përballen pjesëtarët e saj çdo ditë, nga mungesa e mbështetjes institucionale, trajtimi i papërshtatshëm profesional, e deri te mungesa e kushteve për një punë dinjitoze.
Në të njëjtën kohë, si përfaqësuese politike, por edhe si qytetare e këtij vendi, ndjej detyrim të ngre zërin për të dënuar çdo formë të përdorimit joproporcional të forcës, veçanërisht kur ajo vjen nga organet që kanë për detyrë të garantojnë siguri dhe të mbrojnë qytetarin.
Policia e Kosovës, me gjithë sfidat e rënda nëpër të cilat ka kaluar përgjatë këtyre 26 viteve në liri, ka qenë gjithmonë institucioni më i besueshëm në vend. Mos të lejojmë që rastet e tilla të dëmtojnë këtë imazh.
Por, shpeshtësia e rasteve të tilla është një alarm për rrezikun që i kanoset institucionit të policisë, demokracisë dhe sundimit të ligjit, prandaj kjo ngjarje tragjike duhet të jetë një pikë kthese për reflektim të thellë nga shteti, shoqëria dhe institucionet tona. Policia e Kosovës ka nevojë për reforma urgjente dhe përgatitje të përshtatshme për zyrtarët policorë në mënyrë që ata të performojnë në mënyrën më të mirë.
Drejtësia duhet të jetë e shpejtë dhe e palëkundur.
Shpreh ngushëllimet e mia më të thella familjes së të ndjerit
Ministri në detyrë i Punëve të Brendshme, Xhelal Sveçla, Kryeministri në detyrë Albin Kurti e Presidentja Vjosa Osmani, ende nuk kanë bërë asnjë reagim lidhur me vdekjen në rrethana të dyshimta të një 27-vjeçari në Lipjan, për çka u arrestuan pesë policë nën dyshimin për “Vrasje nga pakujdesia”. Rasti ka nxitur reagime të shumta tek qytetarët, të cilët kanë ngritur dyshime mbi punën e Policisë.
Një 27-vjeçar ka vdekur në rrethana të dyshimta në orët e para të mëngjesit të djeshëm në Lipjan, pas arrestimit nga Policia e Kosovës.
Mbrëmjen e djeshme, janë arrestuar dhe dërguar në mbajtje për 48 orë pesë policë lidhur me këtë rast. Kryeprokurori i Prokurorisë Themelore në Prishtinë, Zejnullah Gashi, ka konfirmuar për Gazetën Online Reporteri.net se të njëjtit po dyshohen për “Vrasje nga pakujdesia”.
Ky rast ka nxitur reagime të shumta tek qytetarët, por jo edhe te krerët e shtetit. Ndonëse kanë kaluar mbi 24 orë nga rasti, Ministri në detyrë i Punëve të Brendshme, Xhelal Sveçla, ende s’ka bërë ndonjë reagim. Me deklaratë për këtë rast ende s’kanë dalë as Kryeministri në detyrë, Albin Kurti e as Presidentja Vjosa Osmani.
Sipas Policisë, i riu dyshohet se fillimisht në gjendje të dehur rreth orës 00:15 kishte sulmuar automjetet dhe kalimtarët në rrugën “Haradin Bajrami”. Në deklaratën e policisë, thuhej se ekipi mjekësor kishte bërë përpjekje, por që 27-vjeçari kishte ndërruar jetë.
“Sot, rreth orës 00:15, Policia ka pranuar informacionin se një person, që dyshohej të ishte nën ndikimin e alkoolit, po sulmonte automjete dhe kalimtarë në rrugën “Haradin Bajrami” në Lipjan. Njësitë policore kanë reaguar menjëherë për të vënë situatën nën kontroll, ndërsa në vendngjarje është thirrur edhe ekipi mjekësor emergjent, i cili i ka ofruar ndihmën e parë personit në fjalë. Përkundër përpjekjeve, është konstatuar se ai kishte ndërruar jetë”, ka thënë dje Agron Borovci, zëdhënës i policisë për rajonin e Prishtinës.
Në pamjet që u publikuan më vonë në media, shihej 27-vjeçari në gjendje të rëndë pas arrestimit.
Edhe nga familja e viktimës ngritën dyshime rreth rastit.
Vëllai i tij tha se në fillim i kishin thënë se A.Z ai kishte pësuar infarkt. Madje ai shtoi se viktima kishte edhe “shenja në fytyrë sikur të kishte rrahje masive, në trup”.
Sipas tij, për vdekjen e vëllait dëgjuan versione si “infarkt e nga ndikimi i alkoolit…”, por ai thotë se “shihet qartë se është vrarë nga dora e shtetit, nga disa policë…Posedojmë video që vërehet duke bërtitë në frymën e fundit dhe e goditin në fytyrë dhe aty më nuk lëvizë”, ka deklaruar vëllai i viktimës.
Pas publikimit të pamjeve, Inspektorati Policor i Kosovës rekomandoi suspendimin e pesë policëve.
Në vonë të njëjtit u arrestuan. Të arrestuarit janë: Ibrahim Nela, Artidon Konxheli, Liridon Rrahmani, Albian Ratkoceri dhe Endrit Beqiri. Nela është rreshter në Stacionin Policor në Lipjan, Konxheli, Rrahmani dhe Ratkoceri janë zyrtarë në Stacionin Policor në Lipjan, teksa Beqiri është zyrtar në Stacionin Policor Ferizaj.
“Sot në orët e mbrëmjes, me autorizim të Prokurorisë Themelore në Prishtinë janë ftuar për intervistim në IPK në cilësinë e të dyshuarve pesë zyrtarët policorë të përfshirë në këtë ndërhyrje/reagim policor (një rreshter dhe katër zyrtarë policorë). Pas intervstimit të tyre dhe pas administrimit edhe me dëshmitë e tjera që janë siguruar sot pas veprimeve hetimore, që të pesë zyrtarët policorë janë arrestuar si të dyshuar kurse me vendim të prokurorit të njëjtëve u është caktuar masa e ndalimit për 48 orë”, konfirmoi IPK’ja.
IPK ka thënë se në kuadër të hetimit pritet të ndërmerren edhe shumë veprime tjera hetimore drejt ndriçimit të të gjitha rrethanave lidhur me këtë incident si dhe priten edhe rezultatet e ekzaminimeve përfshirë ato mjeko-ligjore./Reporteri.net
Pesë policë janë arrestuar dhe dërguar në mbajtje për 48 orë nën dyshimin për “vrasje nga pakujdesia” në rastin e 27-vjeçarit në Lipjan.
Sipas Policisë, viktima dyshohet se fillimisht në gjendje të dehur rreth orës 00:15 kishte sulmuar automjetet dhe kalimtarët në rrugën “Haradin Bajrami”. Në deklaratën e policisë, thuhej se ekipi mjekësor kishte bërë përpjekje, por që 27-vjeçari kishte ndërruar jetë.
“Sot, rreth orës 00:15, Policia ka pranuar informacionin se një person, që dyshohej të ishte nën ndikimin e alkoolit, po sulmonte automjete dhe kalimtarë në rrugën “Haradin Bajrami” në Lipjan. Njësitë policore kanë reaguar menjëherë për të vënë situatën nën kontroll, ndërsa në vendngjarje është thirrur edhe ekipi mjekësor emergjent, i cili i ka ofruar ndihmën e parë personit në fjalë. Përkundër përpjekjeve, është konstatuar se ai kishte ndërruar jetë”, kishte thënë Agron Borovci, zëdhënës i policisë për rajonin e Prishtinës.
Duke qenë se dyshimet e para filluan ndaj zyrtarëve policor lidhur me vdekjen e të riun, Kryeprokurori i Prokurorisë Themelore në Prishtinë, Zejnulla Gashi kur dhe pamjet fillimisht u publikuan në rrjete sociale, nuk pranoi të jepte shumë detaje. Ai tha për Gazetën Online Reporteri.net se situata ishte e ndjeshme, dhe çdo informatë mund të sillte dhe pasoja të panevojshme.
“Rasti është inicuar. Janë duke u marrë hetimet e nevojshme. Nuk mundemi me dhënë informacione për shkak se mund të paragykojë këtë situatë. Është situatë shumë e ndishme. Shkakun e vdekjes mundemi me marrë pas ekpertizave që i kemi bo të nevojshme. Hetimet po bëhen. Është angazhuar edhe IPK-ja. Të gjithë veprimet janë duke u marrë. Asnjë informatë tjetër s’mund të japim pasi situata është sensitive, pasi nuk dojmë me dhënë ndonjë informatë e cila mund të sjell pasoja të panevojshme”, kishte deklruar Gashi për Reporteri.net.
Policët e përfshirë në rast, një rreshter dhe katër zyrtarë policorë, fillimisht IPK i suspendoi nga puna, për t’u arrestuar më pas për “vrasje nga pakujdesia”.
Ndalimin e tyre për Reporteri.net e ka konfirmuar Kryeprokurori i Prokurorisë Themelore të Prishtinës, Zejnullah Gashi.
Nga familja e viktimës, vëllai i tij tha se në fillim i kishin thënë se A.Z ai kishte pësuar infarkt. Madje ai shtoi se viktima kishte edhe “shenja në fytyrë sikur të kishte rrahje masive, në trup”.
Sipas tij, për vdekjen e vëllait dëgjuan versione si “infarkt e nga ndikimi i alkoolit…”, por ai thotë se “shihet qartë se është vrarë nga dora e shtetit, nga disa policë…Posedojmë video që vërehet duke bërtitë në frymën e fundit dhe e goditin në fytyrë dhe aty më nuk lëvizë”, ka deklaruar vëllai i viktimës.
Për rastin, asnjë reagim deri tani s’ka pasur nga krerë të lartë të institucioneve shtetërore.
/Reporteri.net/
Inspektorati Policor i Kosovës ka konfirmuar arrestimin e pesë policëve, të cilët dyshohen për “vrasje nga pakujdesia” lidhur me rastin e 27-vjeçarit në Lipjan, që vdiq në rrethana të dyshimta pas arrestimit nga Policia.
IPK ka bërë me dije se të arrestuarit janë një rreshter dhe katër policë. Atyre u është caktuar masa e ndalimit për 48 orë, shkruan Reporteri.net.
“Sot në orët e mbrëmjes, me autorizim të Prokurorisë Themelore në Prishtinë janë ftuar për intervistim në IPK në cilësinë e të dyshuarve pesë zyrtarët policorë të përfshirë në këtë ndërhyrje/reagim policor (një rreshter dhe katër zyrtarë policorë). Pas intervstimit të tyre dhe pas administrimit edhe me dëshmitë e tjera që janë siguruar sot pas veprimeve hetimore, që të pesë zyrtarët policorë janë arrestuar si të dyshuar kurse me vendim të prokurorit të njëjtëve u është caktuar masa e ndalimit për 48 orë”, thuhet në njoftim.
IPK ka thënë se në kuadër të hetimit pritet të ndërmerren edhe shumë veprime tjera hetimore drejt ndriçimit të të gjitha rrethanave lidhur me këtë incident si dhe priten edhe rezultatet e ekzaminimeve përfshirë ato mjeko-ligjore.
Të arrestuarit janë: Ibrahim Nela, Artidon Konxheli, Liridon Rrahmani, Albian Ratkoceri dhe Endrit Beqiri. Nela është rreshter në Stacionin Policor në Lipjan, Konxheli, Rrahmani dhe Ratkoceri janë zyrtarë në Stacionin Policor në Lipjan, teksa Beqiri është zyrtar në Stacionin Policor Ferizaj.
Ndalimin e tyre për Reporteri.net e ka konfirmuar Kryeprokurori i Prokurorisë Themelore të Prishtinës, Zejnullah Gashi.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
