963 raste të reja pozitive janë konfirmuar në 24 orët e fundit në Kosovë, duke shënuar kështu një rekord të ri të rasteve ditore me coronavirus që nga fillimi i pandemisë në vend.

Prej tyre, 347 raste pozitive janë konfirmuar vetëm në kryqytet dhe 102 në Ferizaj, shkruan Reporteri.net.

Ndërsa rastet tjera pozitive vijnë nga Podujevë 61 raste, Gjakovë 52 raste, Gjilan 51 raste, Fushë-Kosovë 45 raste, Shtime 34 raste, Prizren 30 raste, Vushtrri 28 raste, Pejë 27 raste, Mitrovicë 24 raste, Lipjan 21 raste, Viti 20 raste, Obiliq 16 raste, Rahovec 16 raste, Kaçanik 12 raste, Suharekë 12 raste, Malishevë 10 raste, Klinë 9 raste, Deçan 8 raste, Kamenicë 8 raste, Drenas 7 raste, Istog 7 raste, Skenderaj 6 raste, Dragash 5 raste, Hani i Elezit 2 raste dhe me nga një rast komunat Graçanicë, Novobërdë dhe Shtërpcë.

Po ashtu gjatë 24 orëve të fundit kanë humbur jetën edhe 13 pacientë që ishin të prekur me virusin corona.

Numri total i rasteve pozitive është 27.851 raste nga 115.794 persona të dyshimtë në virusin SARS-CoV-2 dhe 798 raste të vdekjes.

Numri i përgjithshëm i të shëruarve deri më sot është gjithsej 16.862 raste, kurse numri i rasteve aktive është 10.191. /Reporteri.net