Qeveria e Kosovës e ka vendosur në objektin e saj flamurin e shtetit të Kroacisë. Kjo është bërë në shenjë nderimi për ndihmën që i dha shteti kroat qytetarëve të Kosovës që pësuan në një aksident trafiku në Slavonski Brod të Kroacisë, ku vdiqën 10 qytetarë të Kosovës.

Shteti kroat u ofroi ndihmë të pakursyer të aksidentuarve të kësaj tragjedie.

Në ndihmë të të mbijetuarve të aksidentin u angazhua edhe kryeministri kroat, Andrej Plenkoviq.

“Ngjyrat e flamurit të Kroacisë dhe mbishkrimi “Faleminderit Kroaci/Hvala Hrvatska”, kanë ndriçuar sonte ndërtesën e Qeverisë së Kosovës, si shenjë falënderimi e mirënjohje shtetit kroat për ndihmën që ua dha bashkatdhetarëve tanë, pas aksidentit tragjik në Slavonski Brod”, ka shkruar Qeveria në njoftimin e saj.