Vdekja e 26-vjeçarit nga Gjilani në Qendër të Studentëve ka ngjalluar reagime të ndryshme.

I tillë është edhe reagimi i Qendrës Kosovare për Rehabilitimin e të Mbijetuarve të Torturës, ku në shkrimin e tyre thuhet se përgjegjësia institucionale është e dyfishtë për sigurimin e jetës së të karantinuarve, shkruan Reporteri.net

QKRMT kërkon nga të gjitha hallkat e institucioneve përgjegjëse që me prioritet t’i hetojnë rrethanat e kësaj vdekje.

“QKRMT me keqardhje mori lajmin për humbjen e jetës së 26 vjeçarit në Qendrën e Studentëve, e cila tashmë është kthyer në qendër karantinimi, me qëllim të parandalimit të pandemisë COVID-19. Konsiderojmë që, përgjegjësia institucionale në parandalimin e pandemisë, njëkohësisht është edhe përgjegjësi e dyfishtë për sigurimin e jetës së të karantinuarve përtej rreziqeve pandemike. Si organizatë, e cila monitoron të drejtat e personave të privuar nga liria, e që në rastin në fjalë personi ishte i privuar nga liria, QKRMT kërkon publikisht nga të gjitha hallkat e institucioneve përgjegjëse që me prioritet t’i hetojnë rrethanat e kësaj vdekjeje trishtuese deri në detajet më të hollësishme.QKRMT i shpreh ngushëllimet më të sinqerta familjes dhe të afërmëve të viktimës, duke shpresuar në ngritjen e përgjegjësisë dhe profesionalizmit institucional, në mënyrë që raste të tilla të mos na përsëriten”, thuhet në njoftimin e QKRMT-së.

Reporteri.net