Drejtori i së ashtuquajturës Zyrë për Kosovën në Qeverinë e Serbisë, Petar Petkoviç, ka kërkuar nga ndërkombëtarët, që të mbrojnë serbët që jetojnë në Kosovë, pasi sipas tij, sulmet ndaj tyre janë rritur.

Petkoviç tha se shtëpia e një familjeje serbe në Osojan ishte plaçkitur dhe se dy varre ishin përdhosur në Kllokot.

“Shtëpia e të kthyerit Ilija Toshiç në Osojan është plaçkitur. Dje janë përdhosur dy varre në Kllokot. Numri i sulmeve kundër serbëve, veçanërisht në jug të Ibrit është në rritje. Kërkojmë nga misionet ndërkombëtare që të angazhohen në mbrojtjen e serbëve në Kosovë”, shkroi Petkoviç në Twitter.

House of a returnee Ilija Tosic was robbed in Osojane. Yesterday two graves were desecrated in Klokot. Number of attacks against Serbs, particularly south of the Ibar is rising.
We demand engagement of int. missions on protections of Serbs in K&M!@MiroslavLajcak @DavenportOSCE pic.twitter.com/BoWqhkrOVZ

— Петар Петковић (@PetkovicPetar) October 5, 2022