Një 38-vjeçare në Nea Joni të Greqisë, përjetoi tmerrin me sy pas disa ngjarjeve të rënda që kaloi.

Sipas burimeve nga mediat greke, ajo u mbajt e lidhur me zinxhirë për të paktën pesë ditë nga partneri i saj 58-vjeçar, i cili edhe abuzonte me të njëkohësisht.

Dramës së saj i kanë dhënë fund fqinjët, të cilët në një moment kanë dëgjuar zëra dhe kanë lajmëruar policinë. Menjëherë në vendngjarje kanë mbërritur policët, ku fqinjët u kanë treguar vendin ku janë dëgjuar zërat.

Pasi kanë gjetur banesën dhe i kanë rënë ziles, 58-vjeçari ka hapur derën. I pyetur nga policia se çfarë “po ndodh këtu”, ai është përgjigjur “gjithçka është në rregull”. Policia, megjithatë, pa një grua brenda në shtëpi, e cila u dha disa sugjerime. Policët kanë hyrë brenda dhe gruaja ka raportuar se partneri i saj po e përdhunonte me armë.
Bëhet me dije se pas kontrollit të policisë në shtëpi, ndër të tjera u gjet një karabinë, për të cilën 58-vjeçari kishte patentë, si dhe një armë ushtarake.