Këshilli i Bashkësisë Islame në Fushë Kosovë ka reaguar pas lajmi se një hoxhë ka dhunuar një grua në Fushë Kosovë.

Përmes një postimi në faqen zyrtare në Facebook, KBI në Fushë Kosovë ka thënë se i dyshuari nuk është pjesë e Këshillit të Bashkësisë Islame dhe nuk ka të bëjë asgjë me misionin e imamit dhe nuk është pjesë e BIK-ut, shkruan Reporteri.net.

“Përkitazi me lajmin se sot, në komunën e Fushë Kosovës është arrestuar një hoxhë, Këshilli i BI-së në Fushë Kosovë njofton opinionin e gjerë si dhe besimtarët myslimanë, se i arrestuari në fjalë nuk është pjesë e Këshilli të BI-së, madje i arrestuari nuk është fare imam-hoxhë, e as teolog islam. Pra i njëjti nuk ka të bëjë asgjë me misionin e imamit dhe nuk është pjesë e BIK-ut”, thuhet në reagim.

/Reporteri.net