Reagon edhe Sherifi i Nismës: Me praktikantë nuk ndërtohet shteti

Lajme

Reagon edhe Sherifi i Nismës: Me praktikantë nuk ndërtohet shteti

Reporteri

14 Maj 2021 | 13:21

Bilall Sherifi i Nismës ka komentuar pamjet e sotme para sallës “1 Tetori në Prishtinë”, ku qindra qytetarë janë parë duke pritur grumbull për të marrë vaksinën anti-Covid.

Sherifi i ka quajtur praktikantë udhëheqësit e Qeverisë aktuale, teksa ka thënë se kështu nuk ndërtohet shteti.

“Kjo formë kaotike e “qeverisjes” ka vënë në rrezik jetët e kategorive më të rrezikuara të shoqërisë sonë. Prandaj kërkojmë përgjegjësi nga tërësia e zinxhirit të njerëzve të përfshirë në rrezikimin e qytetarëve”, shkruan ndër të tjera ai.

Lexo edhe:

“Vrasja nga pakujdesia” e Agon Zejnullahut, deputetja e LDK-së: Të zhvillohet hetimi pa vonesë

Familjarë e qytetarë ndezin qirinj në Prishtinë për 27 vjeçarin që dyshohet se u vra nga dhuna policore

Minutat e fundit të jetës së Agon Zejnullahut, kështu e ngufatën policët 27-vjeçarin në Lipjan

Postimi i plotë:

KREJT dhe DREJT në KAOS, me PRAKTIKANT nuk ndërtohet shteti!

Nëse një çështje kaq e thjeshtë siç është planifikimi i zbatimit të vaksinimit të popullsisë shoqërohet me kaosin e asaj që pamë në ditën e sotme, atëherë mund ta imagjinojmë kaosin që do të krijojnë në fushat e tjera të qeverisjes.

Kjo formë kaotike e “qeverisjes” ka vënë në rrezik jetët e kategorive më të rrezikuara të shoqërisë sonë. Prandaj kërkojmë përgjegjësi nga tërësia e zinxhirit të njerëzve të përfshirë në rrezikimin e qytetarëve.

Indiferenca institucionale përball rrezikut nga infektimi me COVID-19 përbën vepër penale, sepse hyn në kategorinë e MOSDHËNIES NDIHMË NJERËZVE NË RREZIK!

Shpërndaje: