Dhjetëra protestues, pjesë e stafit mjekësor të Spitalit Rajonal të Prizrenit, kanë shprehur revoltën e tyre ndaj institucioneve qendrore të Republikës për mosndarjen e shtesave.
Bëhet fjalë për kategoritë e tjera (përpos doktorëve dhe infermierëve) që nga Qeveria nuk morën +300 euro.
Punonjësit që s’do ta kenë këtë përfitim janë: ata të higjienës, shoferët, punëtorët teknikë.
“Nuk është paguar paketa emergjente për ne në Spitalin Rajonal të Prizrenit. Jemi ballafaquar me higjienën e luftës kundër Covidit-19. Sindikata nuk na ka dhënë përkrahje të mjaftueshme”, ishte ankesa e disa protestuesve, shkruan indeksonline.