Deputeti i Lëvizjes Vetëvendosje, Arber Rexhaj, në emisionin DPT te Fidani, ka thënë se Edi Rama duhet ta dijë se nuk është kryeministër i Kosovës, por i Shqipërisë.

Sipas tij, deklarata e Ramës se KFOR-i duhet ta marrë nën kontroll veriun është deklaratë skandaloze dhe tentim për t’ia minuar shtetësinë Kosovës, shkruan Reporteri.net.

“Nëse themi veriu duhet t’i kthehet KFOR-it, ne lëshojmë dorë prej shtetësisë së Kosovës. Këtë e di zoti Rama dhe unë quditem me deklaratën që ai e lëshon. Të deklarosh sot që veriu duhet t’i kthehet KFOR-it është skandaloze, dhe mbi këtë skandal po ecë Rama”.

“Pos asaj, zoti Rama duhet ta dijë që është kryeministër i Shqipërisë, dhe zoti Kurti është kryeministër i Kosovës. Unë nuk e kam dëgju, qe 3 vjet e gjysmë Kurtin që t’i thotë Ramës bëj kështu ose ashtu.”

“Asociacioni i komunave serbe, nyjë që duhet këputur”, Rama: Kosova rrezikon të humbasë shansin historik të planit franko-gjerman

Madje, Rexhaj tha se Rama mund ta ketë edhe personale me Kurtin, mirëpo kjo nuk duhet ta pengojë atë që të mendojë për të mirën e Kosovës dhe të institucioneve të saj.

“Mendoj se Rama ngapak e ka marrë shumë personale këtë çështjen me Kurtin, nuk e di se çka ka. Rama duhet të mendojë për Kosovën si Republikë dhe në kuptimin institucional, pra le ta harrojë Kurtin si kryeministër, ai mund të mos e dojë atë si njeri, është çështje krejtësisht private e tij”, tha Rexhaj. /Reporteri.net/.