Në mungesë të një loje dhe kontributi kredibil të Kosovës është Aleksandar Vuçiç ai i cili po tërheq Shtetet e Bashkuara të Amerikës kah vetja, ka shkruar ish-kryediplomati kosovar, Petrit Selimi, raporton gazeta online Reporteri.net.

Në zhdukje të shpejtë e ka quajtur “këmbën” e Kosovës në Uashington, Petrit Selimi, derisa ka vlerësuar se Serbia me sukses po luan lojën e dyfishtë të saj, e që, sipas tij, po afron ShBA-në.

“Nuk dua të jem panikash por Serbia tani po përqendrohet në lobime drejtuar fitimit të pajisjeve ushtarake amerikane. Misioni tregtar amerikan i kohëve të fundit ishte i përqendruar te Serbia – jo në Kosovë – dhe konfidencialisht u diskutua për armë me akterë të rëndësishëm në ndërtesa ushtarake amerikane”, ka thënë Petrit Selimi.

“Kjo tregon se Serbia po vazhdon të luajë suksesshë në lojën e dyfishtë, duke emëruar qeveri të re më pak miqësore ndaj ShBA’së/BE’së, përfshirë një shef të inteligjencës që është aset rus, por duke i balancuar premtimet ndaj Departamentit amerikan të Shtetit në pranimin e planit franko-gjerman (nuk është franko-gjerman por amerikan)”, vazhdoi ai.

Të gjithë këtë, Selimi e vlerësoi si lojë të Vuçiç’it në dritën e mungesës së një loje kredibile dhe kontribuese të Kosovës karshi ShBA-së.

“Kosovën ka pasur këmbët brenda në Uashington DC. Kjo këmbë brenda po zhduket shpejtë. Mesazhi është shkruar i në mur”, ka përfunduar ai.

Important thread. I don’t want to be panicky and all but Serbia is now focusing lobbying towards acquiring US military hardware. Recent US trade mission was focused on Serbia – not Kosovo – and weapons were discussed confidentially with important actors in US military complex.

— Petrit Selimi (@Petrit) November 2, 2022