Ashtu siç kishte ndodhur pak javë më parë, sërish sot Policia e Kosovës mori telefonatë anonime me kërcënimin për mjet shpërthyes në Stacionin e Autobusëve, por megjithatë nuk është gjetur asgjë, shkruan Reporteri.net.

“Rreth orës 08:30, kemi pranuar një telefonatë anonime, përmes së cilës një person ka deklaruar se ka vendosur mjete shpërthyese në Stacionin e Autobusëve, në Prishtinë”, tha zëdhënësja e Policisë për Rajonin e Prishtinës, Flora Ahmeti.

Policia: Morëm telefonatë anonime për vendosjen e bombës në Stacion të Autobusëve

Lexo edhe:

Osmani në Mauthausen të Austrisë: Aty ku njerëzimi njohu tmerrin premtuam sërish – kurrë më

LDK: Bexhet Xheladini rikonfirmohet si kandidat për kryetar në Dragash

Kryetari i Nëndegës së LDK-së në Zhur kalon në Vetëvendosje, pritet nga Kurti

Ahmeti tha për Gazetën Online Reporteri.net se menjëherë policia ka ndërrmarë të gjitha masat e sigurisë në atë zonë.

“Në një perimetër të caktuar ka evakuuar qytetarët, ndërkohë që janë angazhuar njësitet përkatëse për trajtimin e informatës. Informata është trajtuar nga ana e policisë. Pas kontrolleve të kryera nga njësitet kompetente, nuk është gjetë asgjë e dyshimtë. Njësitet policore janë tërheq nga ajo zonë, ndërkohë që hetuesit kanë filluar punën për zbardhjen e të gjitha rrethanave që ndërlidhen me këtë rast”, tha Ahmeti.

Alarm i rrejshëm informata për dyshimet për bombë në Stacionin e Autobusëve