Policia e Kosovës ka bërë të ditur se ka identifikuar një të dyshuar dhe ka bastis një shtëpi në Zubin Potok pas shpërthimit që ndodhi sot në liqenin e Ujmanit.

Kështu ka bërë të ditur zëvendësdrejtori i Policisë në veri, Veton Elshani, për Reporteri.net.

“Në vazhden e hetimeve në lidhje me rastin shpërthimit të sotëm në afërsi të Ujmanit, Policia rreth orës 21.00 ka bastisur një shtëpi në zonën e zubin potokut. Gjatë bastisjes policia ka has dhe ka sekuestruar në mes tjerash edhe 3 radiolidhje dhe një veturë. Nuk kemi persona të arrestuar, ndërsa policia ka identifiku një person i cili për neve është me interes për intervistim”, ka thënë Elshani për Reporteri.net.

Për shpërthimin në liqenin e Ujmanit ka reaguar kryeministri Albin Kurti i cili përmes një postimi në Facebook ka shkruar se institucionet e sigurisë, do të zbulojnë aktorin apo aktorët e këtij sulmi kriminal dhe do t’i sjellin para drejtësisë.

Kryeministri tutje thotë se Serbisë dhe qarqeve të caktuara mike me të, nuk iu levërdis normaliteti i krijuar në atë pjesë të vendit tonë.

“Kjo pjesë, ashtu si të gjitha tjerat të vendit tonë, me potencialin dhe bukuritë e saj do të përdoret nga të gjithë qytetarët pa dallim”, ka shkruar Kurti. /Reporteri.net/.