Për të përdorur aplikacionin qeveritar e-Albania qytetarët do të kenë shumë shpejt edhe një ndihmëse virtuale.

Ka qenë vet kryeministri Edi Rama ai që ka prezantuar asistenten dixhitale, një grua të veshur me motive nga krahina e Zadrimës me emrin Diella të krijuar përmes inkubatorit të Inteligjencës Artificiale të AKSHI-t.

Në një video të publikuar në Facebook, janë prezantuar risitë më të fundit të e-Albania, ku Diella do të ndihmojë qytetarët gjatë ndërveprimit me platformën, por edhe të kryejë shërbime për ta.