Një 37-vjeçar shqiptar është gjetur i vdekur brenda qelisë në burgun e Malandrino ku po vuante dënimin në Greqi.

Mediat greke bëjnë me dije se rojet e burgut gjetën pasditen e sotme dy të burgosur të rrëzuar përtokë, 37-vjeçarin shqiptar dhe një 38-vjeçar grek.

Në fillim rojet dyshuan se të burgosurit kishin humbur ndjenjat. Por pas ekzaminimit nga mjekët e burgut u konstatua se 37-vjeçari shqiptar kishte ndërruar jetë, ndërsa 38-vjeçariështë dërguar me autoambulancë në spitalin e Amfisës.

Pasi iu dha kujdesi i nevojshëm mjekësor 38-vjeçari u rikthye në qelinë e burgut, shkruan tvstar.gr.

Policia po kryen hetimet për zbardhjen e ngjarjes, ndërsa është urdhëruar autopsia për të përcaktuar shkakun e saktë të vdekjes së 37-vjeçarit me origjinë shqiptare.