Greg Rama, i biri i Kryeministrit Edi Rama, ka konfirmuar ditën e sotme se mes viktimave të tërmetit, në qytetin e Durrësit ka ndërruar jetë edhe një mikja e tij bashkë me dy prindërit dhe të vëllanë.

Paraprakisht dyshohet se mikja e afërt e Ramës është studentja e mjekësisë, Kristi Recci. Fati për familjen e saj ishte tragjik.

Kristi Reçi humbi edhe babain, Eduardin, nënën Dolora dhe vëllain 22-vjeçar, Klausin, të cilët janë nën rrënojat e pallatit 6 katësh në lagjen 18 në Durrës.

Kristi Reçi kishte një ëndërr: të bëhej doktoreshë dermatologe dhe të vazhdonte jetën në shërbim të komunitetit si mjeke. Por ëndrra e saj u ndërpre në mes.