“Lufta” ka filluar edhe në Komisionin Qendror të Zgjedhjeve. Pas kërkesës që kryebashkiakët e djathtë për heqjen e listave të votimit nga ambientet publike si dhe lirimin e ambienteve të parashikuara për zhvillimin e votimeve, ka ardhur edhe një reagim nga zëdhënësja e KQZ, Drilona Hoxhaj.

Hoxhaj ka kërkuar që të mos cënohet puna e KZAZ-së në përmbushjën e përgjegjësive dhe detyrave të saj.

‘KQZ i bën thirrje dhe kërkon reflektim të menjëhershëm për të mos penguar apo cënuar punën e KZAZ-ve në përmbushje të përgjegjësive dhe detyrave të tyre. Pengesa të cilat pengojnë në punën e KQZ për mbarëvajtjen e procesit zgjedhor në datën 30 qershor’, ka thënë Drilona Hoxhaj.