Pasditen e sotme një ngjarje e rëndë ka ndodhur në qytetin e Korçës.

Raportohet se një fëmijë, i seksit mashkull, rreth 8- vjeç është mbytur në parkun e quajtur “Japonez”.

‘Më datë 14.05.2020, rreth orës 16:05, në lagjen nr.3, në një rezervuar tek “Parku Japonez”, dyshohet të jetë mbytur një fëmijë rreth 8 vjeç (i seksit mashkull) ende i paidentifikuar.

Shërbimet e zjarrfikses dhe policisë bënë të mundur nxjerrjen nga uji të trupit të pajetë.

Grupi hetimor po punon për identifikimin e viktimës, si edhe për të zbardhur rrethanat e ngjarjes.