Dy rusët Svetlana Timofoeva, Mikhail Zorin dhe 25-vjeçari ukrainas Fjodor Mihajlov të arrestuar të shtunën pasi tentuan që të hynin në uzinën e armatimeve në Çekin të Gramshit do të dalin sot para gjykatës së Elbasanit për t’u njohur me masën e sigurisë.

Sipas dosjes hetimore të dorëzuar nga prokuroria e Elbasanit në gjykatën e këtij qyteti të huajt dyshohet se kanë hyrë në Shqipëri me detyra të caktuara nga shërbimet e inteligjencës ruse.

Ndaj tre shtetasve të huaj, janë ngritur akuzat “Goditja për shkak të detyrës”, “Dhënia e informatave sekrete”, dhe “Sigurimi i informatave”, kryer në bashkëpunim.

Atyre u janë sekuestruar Chevrolet, dronë, sasi e konsiderueshme parash, 1 pajisje vëzhgimi për shikueshmëri natën, laptop, karta sim, harddisk I jashtë, 1 fishe, 1 predhë fisheku, dokumente identifikimi, pajisje kampingu, bombul spraj përdorur në formën e spraj neuroparalizues dhe telefona celularë.