60 orët e shtetrrethimit i kanë dyndur qytetarët drejt tregjeve për të bërë pazaret e nevojshme.

Tregu “Dinamo” të ofron këtë panoramë këtë të premte, ndërsa pavarësisht thirrjeve të vazhdueshme për ruajtjen e distancës, qytetarët janë të përqëndruar për të kryer pazaret e nevojshme.

Për çmimet nuk kanë ankesa, ndërsa ata që ankohen për situatën e krijuar janë tregtarët, që përveç rrezikut të infektimit nga koronavirusi shqetësim kanë edhe rënien e punës.

Ndërkohë në tregun pranë Shkollës së Baletit janë dy realitete të ndryshme.

Ajo e tregut të bashkisë i cili është i zbrazur.

Dhe ajo në tregjet private ku numri i qytetarëve është i lartë dhe nuk respektohet as distanca sociale.