Ka qenë një periudhë mjaft aktive për Partinë Demokratike, me protesta të njëpasnjëshme, 8 prej tyre kombëtare.

Ditën e djeshme, presidenti Ilir Meta ka njoftuar vendimin për të çdekretuar datën e zgjedhjeve dhe mesa duket eksponentë të kësaj partie e kanë shfrytëzuar, si një moment “qetësie” për të bërë disa pushime.

Ish-deputeti, Enkeled Alibeaj është zhvendosur në jug ku shfaqet duke shijuar rrezet e diellit dhe ujin e pastër të bregdetit të Jonit.

Kujtojmë se opozita në Shqipëri dje mbajti protestën e tetë me radhë.

Pas mbylljes së protestës kreu i Partisë Demokratike, Lulzim Basha tha se opozita nuk do të hedhë asnjë hap pas, ndërsa shtoi se zëri i protestuesve kumboi në kryeqytetet më të rëndësishme të botës.