Një 31-vjeçar është arrestuar nga policia e Fierit, pasi iu gjetën dhe sekuestruan 350 fidanë kanabis.

Policia thotë se informaci për kultivim të lëndëve narkotike është marra në rrugë operative nga qytetarët. Operacioni për sekuestrimin e drogës është bërë në fshatin Buzmadh.

“Si rezultat i kontrollit u gjetën dhe sekuestruan rreth 350 fidanë narkotikë dhe si rezultat i veprimeve të shpejta u bë i mundur identifikimi, kapja dhe arrestimi në flagrancë i autorit që po tentonte për t’i kultivuar G. Y., 31 vjeç, banues në Buzmadh, Fier”, thotë policia.

Materialet i kaluan Prokurorisë pranë Gjykatës së Shkallës së Parë Fier, për veprën penale “Kultivimi i bimëve narkotike”.