Presidenti Ilir Meta tha se angazhimi i jetës së tij politike është rikthimi i Kushtetutës së vitit 1998, duke theksuar se tani kuptohen pasojat e ndryshimeve të bëra ndaj kësaj Kushtetute në vitin 2008.

I ftuar në “Opinion”, Meta thekson se institucioni i Presidentit komprometohet duke u fshehur nga presioni.

Vangjeli: Do ta ftoni popullin duke mbledhur firma për referendum?

Meta: Angazhimi i jetës sime politike është që të rikthehet Kushtetuta atje kur u votua në 1998. E lehtë nuk do të jetë por tani e kuptojmë se çfarë ndodhi me ndryshimet e 2008-s. Institucioni i Presidentit nuk komprometohet duke mbrojtur Kushtetutën. Institucioni i Presidentit komprometohet duke u fshehur nga presioni që bëhet për të ligjëruar një bandë në krye të Shtetit që shkatërron demokracinë dhe shtetin e së drejtës.