Sëmundja Murtaja Afrikane është shfaqur tek derrat dhe sipas raportimeve të mediave në Shqipëri, të paktën 10 krerë kanë ngordhur, prej të cilëve pesë brenda një ferme dhe pesë të tjerë përgjatë masivit pyjor të zonës.

Pas identifikimit të rasteve, Shërbimi i Veterinarisë në Lezhë është vënë menjëherë në lëvizje dhe nga analizat e kryera ka rezultuar se derrat kanë ngordhur nga murtaja afrikane.

Për këtë arsye, zona është vendosur në karantinë, ndërsa po kryhen verifikime në të gjithë zonën, raporton TCH.

Shërbimi veterinar nuk ka pranuar të komentojë, ndërsa i gjithë personeli janë në punë ditën e sotme dhe po vazhdojnë analizimin e situatës.

Një grup veterinerësh të shërbimit veterinar në Lezhë kanë dalë në terren, për monitorimin e zonës dhe duke kryer edhe dezinfektimin në rast se mund të ketë rrezik për epidemi.