Kuvendi i Shqipërisë ka miratuar shtyrjen e Gjendjes së Fatkeqësisë Natyrore deri më datë 23 qershor.

Me 91 pro, 5 kundër dhe 36 abstenim, u miratua vendimi i Qeverisë për shtyrë masat deri në fund të qershorit për shkak të situatës së krijuar nga koronavirusi.

Edhe pse pati mjaft debate në këtë pikë, e ku një pjesë nuk ishin dakord me shtyrjen e këtij afati, deputetët votuan.

Kësisoj, deri në 23 qershor do të jetë Gjendja e Jashtëzakonshme, çka nënkupton se nuk mund të ketë as aksione politike, as pranvera kuqezi, apo zgjedhje.