×
  • Lajme
  • Shqipëria / Njoftimi

    “Shqipëria partneri kyç në Ballkan”, DASH e konfirmon vizitën e Sekretarit Blinken në Tiranë

    Reporteri
    09 Shkurt 2024 | 18:36

    Departamenti Amerikan i Shtetit ka konfirmuar se  Sekretari amerikan i shtetit Antony Blinken do të vizitojë Tiranën më 16 Shkurt.

    Sipas njoftimit të DASH, Blinken do të vizitojë Shqipërinë, “një partnere kyçe për stabilitetin në Ballkanin Perëndimor”. Kjo vizitë ka për synim që të konfirmojë lidhjet e Uashingtonit me Tiranën.

    “Sekretari i Shtetit Antony J. Blinken do të udhëtojë në Tiranë, Shqipëri dhe Mynih, Gjermani, nga 14-17 shkurt. Në Tiranë, Sekretari Blinken do të riafirmojë fuqinë e marrëdhënieve të Shteteve të Bashkuara me Shqipërinë, një partner kyç për stabilitetin në Ballkanin Perëndimor dhe një aleat i fortë në mbështetjen e sovranitetit dhe integritetit territorial të Ukrainës”-njofton DASH.

    Vitin e shkuar, sekretari Blinken komentoi me nota të larta pozitive rolin e Shqipërisë në Këshillin e Sigurimit në OKB.

    Ishte vetë sekretari amerikan i shtetit Antony Blinken, ai i cili në maj 2021 shpalli Sali Berishën si person “Non Grata” nga SHBA për korrupsion dhe minim të demokracisë. Kjo u shoqërua me një sulm frontal nga Berisha në adresë të Blinken. Po ashtu sekretari Blinken ka qenë aktiv përmes mesazheve për de-eskalikin e situatës së tensionuar në veri të Kosovës, shtatorin e vitit të shkuar.

    Vizita e parë e një sekretari amerikan shteti në Shqipëri ishte ajo e James Baker, në Tiranë më 22 qershor 1991.

    Ndërsa e dyta vizitë e një tjetër sekretari amerikan shteti ishte ajo e Madeleine Albright, më 19 shkurt 2000, ku mbajti edhe një fjalë në parlamentin shqiptar. Pasuar nga një tjetër vizitë e Collin Pwell sekretar shteti 25 Shtator 2003. Në 2012 ishte Hillary Clinton sekretare shteteve në një vizitë një ditore në Tiranë. Sekretari tjetër i shtetit që ka vizituar vendin tonë ishte edhe John Kerry, më 14 shkurt 2016.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!