Sot rreth orës 11:10, ka ndodhur një aksident trafiku ka ndodhur midis dy veturave në Duhël (drejtimi për Prishtinë), ku kanë mbetur të lënduar shtatë persona.

Lajmin e ka konfirmuar zëdhënësi i Policisë, Baki Kelani, i cili ka bërë të ditur se viktimat kanë pësuar lëndime të lehta trupore.

“Sot rreth orës 11:10, në Duhël (drejtimi për Prishtinë), ka ndodhur një aksident trafiku në mes të dy veturave. Dyshohet se shtatë persona kanë pësuar lëndime të lehta trupore”, ka njoftuar policia.

Në pamjet e siguruara nga Reporteri.net, shihet se veturat e përfshira në aksident janë me regjistrim të huajin.

Ndryshe, numri i aksidenteve në Kosovë është rritur dukshëm gjatë verës, me ardhjen e mërgimtarëve. Policia ka njoftuar se vetëm në 24 orët e fundit kanë ndodhur 100 aksidente trafiku në vend. Nga to, 40 prej tyre ishin me pasojë të lënduar.