“Safe Journalist”, organizata e cila merret me mbrojtjen gazetarëve dhe lirisë së shprehje në Ballkanin Perëndimor, ka reaguar ndaj vendimit skandaloz të Komisionit të Pavarur të Mediave, ku u ndryshua rregullorja dhe me anë të së cilës u zgjodh kryetari i ri, ende pa përfunduar mandate i kryetarit aktual.

Sipas kësaj organizate, me këtë vendim, KPM-ja ka bërë një hap të rrezikshëm drejt politizimit të një institucioni të pavarur.

Reagimi i “Safe Journalist”, u shpërnda edhe nga Asociacioni i Gazetarëve të Kosovës.

Ndryshe të premten, pas ndryshimit të rregullores me katër vota pro, kryetar i Komisionit të Pavrur për Media u zgjodh Besnik Berisha, në vend të Jeton Mehmetit.

Në reagimin e AGK-së thuhet se:

Rrjeti SafeJournalists bashkohet me Asociacionin e Gazetarëve të Kosovës në dënimin e vendimit të fundit të Komisionit të Pavarur të Mediave në Kosovë, duke e konsideruar një hap të rrezikshëm drejt politizimit të këtij institucioni të pavarur.

Procesi i përshpejtuar për zgjedhjen e drejtuesit të ri, vetëm pak ditë para skadimit të mandatit aktual, ngre shqetësime serioze për transparencën dhe pavarësinë e KPM-së.