Ministria e Punëve të Brendshme, që udhëhiqet nga Ministri në detyrë Xhelal Sveçla, po planifikon të ndërtojë një verandë në oborr për nevoja të saj. Tenderi veçse është shpallur tashmë, e vlera e parashikuar e kontratës është 4 mijë e 571 euro, shkruan Reporteri.net.

Afati për ndërtimin e kësaj kontrate është 30 ditë nga dhënie e kontratës.

“Lokacion i planifikuar për ndërtim është në kuadër të komunës së Prishtinës. Qasja kryesore në objekt bëhet përmes rrugës kryesore gjegjësisht, korridorit/rrugës lidhëse. Objekti eshte me etazhitet B+P+3 dhe parteri i gjithë lokacioni – punimet zhvillohen ne oborr”, thuhet në dosje.

Takimi për hapjen e tenderëve do të bëhet më 24 qershor, në orën 14:00.

Në dosje janë renditur edhe specifikimet teknik të detyrueshme dhe kushtet për ndërtimin e objektit.

“Tenderi duhet të dorëzohet në formë elektronike në E platformë http e-prokurimi.rks-gov.net”, thuhet në njoftim./Reporteri.net