Presidentja e Kosovës, Vjosa Osmani, ka njoftuar se gjatë qëndrimit të saj në New York është takuar me nënsekretarin e Departamentit të Mbrojtjes të ShBA-së, Derek Chollet dhe të dërguarin amerikan për Ballkanin Perëndimor, Gabriel Escobar.

Osmani tregoi se temë diskutimi ka qenë edhe dialogu ndërmjet Kosovës dhe Serbisë.

Sipas saj, roli i SHBA-ve është kyç për të përfunduar ky proces.

Ajo po ashtu ka shkruar në platformën “X” për rëndësinë e qasjes parimore ndaj zbatimit të marrëveshjeve.

”Me Chollet dhe Escobar diskutuam zhvillimet në dialog. Theksova rëndësinë e një qasjeje parimore për zbatimin e plotë dhe të balancuar të marrëveshjeve dhe se roli i SHBA-ve është kyç për të përfunduar me sukses procesin, duke i hapur rrugën njohjes reciproke”, shkroi shefja e shtetit.

With @CounselorDOS Chollet & DAS Escobar we discussed developments in the dialogue.

Stressed the importance of a principled approach to full & balanced implementation of agreements & that 🇺🇸 role is key to successfully conclude the process, paving the way for mutual recognition. pic.twitter.com/jYHPF9Y1y5

— Vjosa Osmani (@VjosaOsmaniPRKS) September 18, 2023

E Presidenti i Kenisë, William Ruto, ka ndarë pamje nga takimi që zhvilloi me presidenten Vjosa Osmani, në Nju Jork.

Presidenti Ruto deklaron se vendi që ai udhëheq vlerëson iniciativën e përbashkët të Bashkimit Evropian dhe Kombeve të Bashkuara për të gjetur një përgjigje të përhershme në dialogun Kosovë-Serbi.

“Ne besojmë se kjo përpjekje bashkëpunuese premton për një rezultat të favorshëm për njerëzit e të dy vendeve”, është shprehur ai në platformën X.

Ndër të tjera, ai në postim edhe e ka etiketuar presidenten Vjosa Osmani duke përmendur se takimi i zhvillua në Misionin e Kenisë në Nju Jork.

Osmani është takuar në New York edhe me kryeministrin e Libanit, Najib Mikati.

Në këtë takim është folur për përpjekjet e Kosovës dhe Libanit për afrimin e vendeve dhe popujve mes vete.

”Përsëriti përkushtimin e vendosur të Kosovës për të vazhduar përpjekjet tona të përbashkëta për të zhvilluar marrëdhëniet dypalëshe me Libanin si një hap thelbësor për afrimin e vendeve dhe popujve tanë”, ka shkruar Osmani në Twitter.

Later, met Slovakia President @ZuzanaCaputova who committed to supporting Kenya's E-mobility initiatives using their advanced e-battery technologies. We also agreed to partner to enhance Kenya's fertiliser production and cybersecurity capacity. pic.twitter.com/fkznLcSBbN

— William Samoei Ruto, PhD (@WilliamsRuto) September 18, 2023

Presidentja Osmani po ashtu është takuar me kryeshefen ekzekutive të MCC-së, Alice Albright.

Këtë e ka bërë të ditur vet presidentja përmes një shkrimi në “X”

“Programi historik Kosova Compact, investimi më i madh i sektorit energjetik në vendin tonë, padyshim që do të ndihmojë në ndërtimin e një të ardhmeje energjetike të qëndrueshme dhe inovative”, ka shkruar Osmani. /Reporteri.net/