Bashkëkryesuesi i bisedimeve me Serbinë, Shpend Ahmeti ka udhëtuar në Shtetet e Bashkuara të Amerikës.
Siç ka njoftuar ai nëpërmes një shënimi në profilin e tij në Facebook, gjatë kësaj vizite e ka takuar zëvendësndihmës sekretarin amerikan të shtetit, Palmer.
“Në takim diskutuam mbi reformat në nivelin lokal, sfidat në nivelin qëndror dhe qëndrimet e PSD për temat e rëndësishme në vendin tonë. Marrëdhëniet me ShBA janë të rëndësisë së veçantë dhe koordinimi duhet të jetë prioritet i politikës sonë të jashtme”, ka shkruar Ahmeti.
Limaj e Ahmeti ‘hidhërohen’ që Thaçi e Haradinaj nuk i morën në Berlin
Në vazhdim e gjeni njoftimin e plotë:
Gjatë vizitës në Washington pata kënaqësinë që në Departamentin e Shtett ta takoj Zv. Ndihmës Sekretarin e Shtetit Z. Mathew Palmer, dhe në Shtëpinë e Bardhë, Drejtorin për Evropë dhe Rusi në Këshillin Kombëtar të Sigurisë z. John Erath.
Në takim diskutuam mbi reformat në nivelin lokal, sfidat në nivelin qëndror dhe qëndrimet e PSD për temat e rëndësishme në vendin tonë. Marrëdhëniet me ShBA janë të rëndësisë së veçantë dhe koordinimi duhet të jetë prioritet i politikës sonë të jashtme.