Këshilli i Sigurimit të OKB-së të premten, më 24 prill do të diskutojë për Kosovën.

Kjo do të bëhet përmes një video-konference, marrë parasysh situatën me koronavirus, shkruan Reporteri.

Lajmi fillimisht u bë i ditur nga  Ministri i Punëve të Jashtme të Serbisë, Ivica Daçiq, i cili tha se  kjo datë ishte caktuar qysh më herët.

Ai ka treguar se pjesë e diskutimit do të jenë rreth 18 persona, përfshirë shefin e UNMIK-ut dhe dikë nga Kosova.

“Tani nuk ka seancë por do të jetë një video-konferencë. Mund të jenë 18 persona që do të marrin pjesë në këtë video-konferencë, përfshirë edhe shefin e UNMIK-ut për Kosovën, Zahir Tanin. Po ashtu pjesë e kësaj video-konference do të jem unë dhe dikush nga Kosova”, ka thënë Daçiq në Tv “Happy”.