Pesë persona janë arrestuar pasi të njëjtit dyshohet se janë përfshirë në një rast ku pati të shtëna me armë zjarri dje pasdite në Krajnidell të Kamenicës, raporton Gazeta Online Reporteri.net.

Rastin e ka konfirmuar Policia e Kosovës përmes raportit 24 orësh, ku bëhet e ditur se janë sekuestruar një pistoletë me gaz, 32 gëzhoja, 55 fishekë si dhe një sasi e dyshuar narkotike e llojit marihuanë.

“Janë shoqëruar në stacionin policor pesë të dyshuar meshkuj kosovarë pasi që kishin shtënë me armë zjarri, lidhur me rastin pistoleta me gaz, 32 gëzhoja, 55 fishekë si dhe sasi e dyshuar narkotike e llojit marihuanë janë sekuestruar. Me vendim të prokurorit të dyshuarit janë liruar dhe rasti shkon në procedurë të rregullt”, thuhet në njoftim.