Presidenti kosovar, Hashim Thaçi, gjatë ditës së sotme ka bërë një ndryshim të vogël në dukjen para aparatit fotografik.

Siç shihet në fotografitë që i ka publikuar vetë, Thaçi ka vendosur në kokë sërish kapuçin e Ushtrisë Çlirimtare të Kosovës, shkruan Reporteri.net.

Këtë veprim presidenti e bëri gjatë qëndrimit në fshatin Planejë të Hasit, ku qëndroi për të kujtuar betejën e Pashtrikut.

“Në Planejë të Hasit, njëzet vjet pas, për të kujtuar një prej betejave më të lavdishme të Ushtrisë Çlirimtare të Kosovës. Fronti i Pashtrikut ishte fronti i shpresës dhe besimit për të gjithë luftëtarët e lirisë se dita e fitores po afrohej”, ka shkruar Thaçi.

Ndryshe, presidenti Thaçi shpesh vendos që të vesh rroba të UÇK-së. Hera e fundit ishte në ditën e krijimit të ushtrisë së Kosovës, ku veshi jaknen e FSK-së./Reporteri.net