Presidenti i Kosovës, Hashim Thaçi në një konferencë për media ka folur për vendimin me të cilin pas pak ditësh pritet të dalë Kushtetuesja lidhur me dekretimin e Avdullah Hotit për kryeministër.

Thaçi ka thënë se Kushtetuesja duhet të punojë e pavarur, pa presione nga asnjë palë, shkruan Reporteri.

“Presidenca ka dorëzuar në Kushtuese, argumentet për dekretin e Avdullah Hotit. Qenësore për demokracinë në Kosovë është që  Kushtetuesja të punojë e pavarur, pa presione nga cila do palë, qoftë politike, shoqëria civile, e as ndërkombëtarët. Askush nuk mund ta bllokojë vendin dhe institucionet. Për këtë arsye ftoj edhe një herë që të gjithë ti respektojnë demokracisë së vendit dhe respektimit të institucioneve të pavarura”, u shpreh Thaçi.

Tutje ai tha se askush nuk do të mund ta destabilizojë shtetin dhe as institucionet demokratike. Sipas Thaçit askush nuk ka të drejtë të uzurpojë zyret e Kuvendit.

“Askush nuk ka të drejtë të mbajë të uzurpuar asnjë zyre të Qeverisë”, u shpreh ai. /Reporteri.net