Tri raste të dhunës në familje ku viktima kanë qenë gratë, janë raportuar gjatë 24 orëve të fundit në Kosovë, njofton Policia e Kosovës.

Në Prishtinë një grua ka raportuar se pas një mosmarrëveshje është sulmuar fizikisht nga bashkëshorti i saj i dyshuari mashkull kosovar.
“Viktima ka pranuar tretman mjekësor, ndërsa i dyshuari gjendet në arrati”.

Në Pejë të premten është arrestuar një burrë, pasi që i njëjti nën ndikim të alkoolit ka ofenduar dhe sulmuar fizikisht bashkëshorten e tij.

Sipas policisë, viktima ka pranuar tretman mjekësor, ndërsa i dyshuari me vendim të prokurorit dërgohet në mbajtje.

Ndërkaq në Leposaviq është arrestuar një i dyshuar pasi që i njëjti nën ndikim të alkoolit ka ushtruar dhunë psikike ndaj motrës së tij.

Policia njofton se me vendim të prokurorit, i dyshuari është dërguar në mbajtje. /Reporteri.net/.