Ndërmarrja “Trepça” ka reaguar pasi Ministria e Punëve të Brendshme ka nënshkruar Udhëzimin Administrativ për trajnimin dhe certifikimin e minandezësve nga institucionet e Republikës së Kosovës, shkruan Gazeta Online Reporteri.net.

Ndërmarrja thotë se me këtë udhëzim do të krijohen mundësi për zhvillimin e qëndrueshëm dhe rritje të efikasitetit në minierat e Trepçës.

Postimi i plotë:

Ministria e Punëve të Brendshme ka nënshkruar Udhëzimin Administrativ përmes së cilit do të mundësohet trajnimi dhe certifikimi i minandezësve nga institucionet e Republikës së Kosovës.

Ndërmarrja Trepça Sh.A., e falënderon Qeverinë e Republikës së Kosovës për angazhimin e vazhdueshëm për ta ngritur Trepçën në vendin që e meriton.

Ky udhëzim do të krijojë mundësi për zhvillimin e qëndrueshëm dhe rritje të efikasitetit në minierat e Trepçës. Ky veprim do të kontribuojë në stabilizimin e situatës dhe do të mbështesë rimëkëmbjen ekonomike të ndërmarrjes.

Menaxhmenti i ndërmarrjes Trepça Sh.A. është duke punuar intensivisht për zgjidhjen e problemeve që e kanë shoqëruar ndërmarrjen ndër vite.

Për Trepçën e minatorëve!