Ende po vazhdojnë kërkimet për gjetjen e Driton Stranës nga Vushtrria, i cili është i zhdukur që nga data 9 shkurti i këtij viti, shkruan Reporteri.net.

Kërkimet për Stanën po udhëhiqen nga njësiti i kërkim shpëtimit të FSK-së, por deri më tani nuk është arritur gjetja e 56-vjeçarit.

Gjatë ditës së sotme, kryetari i Vushtrrisë, Xhafer Tahiri ka vizituar njësinë e kërkim shpëtimit të FSK-së që po merret me kërkimin e personit të humbur Driton Strana.

Ai bëri apel te të gjithë qytetarët që nëse kanë informacion për të, të lajmërojnë Policinë e Kosovës.

“Sot kam vizituar njësinë e kërkim shpëtimit të FSK-së në krye me rreshterin e klasit të parë Safet Kelmemdi, që po merret me kërkimin e personit të humbur Driton Strana, i zhdukur pa gjurmë që 9 shkurti 2021.

FSK, Policia dhe Drejtoria komunale e emergjencave po bashkëpunojnë ngushtë dhe janë në kërkim të z. Driton Strana, ndërsa kushdo që ka informata për këtë qytetar, luten që të lajmërojnë Policinë e Kosovës”, shkroi Tahiri në Facebook.