Coronavirusi përveç rrezikut për t’u marrë jetë njerëzve, po shkakton edhe tronditje financiare, sidomos për kategoritë me gjendje të brisht ekonomike. Por, në kohë të vështira dallohen njerëzit e vullnetit të mirë.

Një rast i tillë ka ndodhur edhe në Prishtinë. Duhet të ketë edhe shumë raste të tjera, por ky është bërë publik në mediat sociale, nga një qiraxhi, i cili ka marrë lajmin e mirë nga pronari i banesës në të cilën ai banon me qira.

Ai ka publikuar mesazhin telefonik që i ka dërguar pronari i banesës, ku i thotë, se këtë muaj nuk ka nevojë që të paguaj qiranë, shkruan Reporteri.net.

Coronavirusi në Kosovë, është në ditët e para, dhe pritet që bashkë me rritjen e krizës së të infektuarve, të rritet edhe kriza ku njerëzit nuk do të mund të paguajnë obligimet e tyre mujore, si qira, tatime, shërbime komunale e të rrymës.

Shteti i Kosovës, ende nuk ka bërë të ditur ndonjë plan konkret për të ndihmuar këto kategori. Duket, se qytetarët janë para shtetit në këtë pikë. /Reporteri.net